11 رد (ردود) على هذا الموضوع

[om-ismail]

باره عن حلبه مطحونه و بعض الاضافات الاخرىالكثيره تعطى لها مذاق مميز و خطير

المغات دى هامه جداا لبعد الولاده لان مكوناتها تعيد للجسم ما فقده خلال فتره الحمل و الولاده

و تساعد الام على استعاده قوتها و صحتها
كما انها مدره للبن

http://forum.wahati....php/t60579.html

هنا رابط للغاليه فورته بتشرح الفوائد الطريقه




ياللا نبدأ بالعمل
اولا فى حله تيفال نضع ملعقه ثمن بلدى



وبعد ما يقدح نضع نص ملعقه سمسم سبق تحميصه



ونقلب حتى يتم تحميره



ثم نضع ملعقتبن من المغات
لكل كوب ملعقه مغات



ونقلب حتى يمتزج الخليط



ثم نضع كوبين الماء ونقلب سريعا بمضرب السلك



ثم نضع السكر حسب الرغبه



ويترك ليغلى حتى يغلظ قوامه



ويقدم فى الكوب ساخنا ونضع فوقه المكسرات





من .............. قول

[ام فيء]

الله يعطيك الف عافية ياالغالية

[om-ismail]

سلمك الله من كل سوء يا حبيبتى

[سنووايت]

<div align='center'>اه يا ام سمعه فكرتينى بالمغاااااات وجماله

فعلا يعتبر مشروب قومى ورسمى لأى سيدة بعد الولادة وأساسي لكل المهنيئين والمعازيم هههههههه

يعنى ما ينفعش نروح نزور واحدة ولدت من غير ما نشرب مغات تبقي الزيارة مش محسوبة

فكرتينى بأول مره اعمل المغات لما اختى ولدت كنت لسه فى اولى جامعه ومعنديش اى فكرة ازاى بيتعمل

المهم ناس طبوا علينا بعد العقيقة متأخر واضطريت اقوم اعمل المغات بعد ما وصفولى الطريقة

عملت المغات تماااااام لكن قالوا لى حطى على الوجه مكسرات وجوز هند وكان موجود فى كيس ابيض

اختك اخدت اول كيس ابيض جه فى أيدى وحطيت منه من غير تفكير ممكن تقولى نايمة على نفسي

عارفة بدل جوز الهند حطيت ايه ؟؟؟ ملح خشن هههههههههه

بس فضلوا ماسكينها عليها وكنت تريقة للكل

لكن الحمد لله رغم انى بطلت اشربه بسبب انه دسم لكن باعمله والكل بيطلبه منى


ملحوظة

مش باقولك يا ام اسماعيل حكيت قصة حياتى اصلى رغااااااااااااااايه

</div>

[om-ismail]

احكى يا شهرزاد

ده انت حكاياتك زى السكر
بقى الناس جايه تشرب مغات
و انت تعملى فيهم المقلب ده هههههههههههه

انت عارفه ان انا واحد من الناس بستنى اى واحده تولد علشان اروح ابارك و اشرب مغات

لانى مش بعملها خالص بالبيت
تخيلى بقى انا متحمسه و منتظره الكوب

الاقى المقلب ده
هههههههههههههههههههه

[( أم محمد )]

مشكورة أختي علي الموضوع الجميل

[جـويرية]

يا سلالالالالالالالالالالالالالالام طعمه يجنن ما شاء الله فتحتيلي نفسي

بس انا بصراحه بحبه بالزيت او الزبده لان السمن أحسه بيخليني ثقيله

[om-ismail]

هنيأ مريأ حبيباتى

[فورته]

بسم الله الرحمن الرحيم


السلام عليكم ورحمة الله وبركاته،،


أنا جيت جرى على ريحة المغات .. انا كنت منتظرة الفنجان دا من بدرى ..

لكن عارفة ياأم اسماعيل مش كل واحدة تستطيع تحبكه .. فيه نفس بردة ..

من اسبوع اتعزمت على عقيقة وبالرغم انى عاملة رجيم لكن المولود اول حفيد لأخت زوجى .. المهم لم أأكل الفتة بحجة الرجيم وذقت اللحمة

وبعد فترة قالوا مين يحب يشرب مغات .. قلت يااه هو المغات يحلى الا مع الوالدة .. ونسيت الرجيم وقلت اغمض عليه وبلاش اقول لريشة قلم...

المهم كان نفسى أنا اعمله ...صاحبتك خيرة برده ..آممممممممال ايه ...

تسلمى حبيبتى .. بوسيلى مرمر...

سنووووووووايت .. حتة مقلب يجعلنى افكر ألف مرة قبل شرب المغات عندكم ..هههههههههههه

[om-ismail]

ما شاء الله ما شاء الله

ربنا يعدكم دايما يارب
اكيد الاحفاد لهم غلاوة تانيه

فى عقيقه مريم عملت فته و لحمه بس معملتش مغات

عملت رز بلبن

اما المغات انا بموت فيها و فعلاا هى مزاج يا فورته الحبيبه علشان كده لو كانت خفيفه او مش مضبوطه بيبقى طعمها زى قلته

اصلها مزاج ههههههههههه

بس انسى بقى الرجيم و حتى لو من غير رجيم كوبيتين مغات يرفعوا الميزان فوووووووووق ههههههههه

احلى حاجه انك غمضتى

[لبنى بنت مصر]

أما حتة صدفة !!!!

تصوري يا ام سمعة ؟

أنا لسه راجعة من شوية . كنت عند عمي عشان بنته والده و قاعدة عندهم

و طبعا طبعا شربت كوباية مغات ... و مش كوباية عادية

لأ ..كوباية من الحجم العائلي لأني باموووووت فيه

بس تعرفي انا بحبه باللبن .. يعني بدل الميه بنضيف لبن

بيبقى جناااااااااااااااااان و كمان الغذا يبقى مضاعف و من كل النواحي

و بالهنا و الشفا لكل محبي المغات

[* لمسات *]

السلام عليكم ورحمة الله وبركاته


انا من محبي المغات غاليتي لبنى الله يهنيك بالايمان وبطاعة الرحمن


وأستفدت من الموضوع وكانت الطريقة جديدة عليه لأني كنت بقدح المغات في السمن البلدي وأضعه على كوب من الحليب الساخن المحلى طبعاً


وكان لذيذ وأفكر اعمله على طريقتك

والله شهيتيني يا أم سمعة