14 رد (ردود) على هذا الموضوع

[*آيات*]

السلام عليكم ورحمةالله وبركاتة
أخواتى
ايه رأيكم نجتمع كل يوم من ايام العيد الاربعة هنا فى هذه الصفحة ؟
نقول لبعض عملنا ايه
خرجنا فين
صحينا من النوم امتى
نتناقش فى اى موضوع يجى على بالنا
إيه رأيكم؟

[ندى لوف]

اول شي ايامك سعيدة وكل عام وانت بخير اوكي فكرة حلوة كانت بالبال لاكن انت سبقتيني

يلة عشتي حلوة انتظريني

[*آيات*]

مشكورة ندى عالمرور

[*آيات*]

السلام عليكم ورحمت الله وبركاته
كل عام وانتم بخير
انهرده صحيت بدرى ورحت البلد زرت حماتى عيدت عليها وعلى سلايفى اخت زوجى وعمت زوجى وكان اليوم ماشاء الله كان مليان ياريت كل حياتى تبقى مليانه كده ومايبقاش فيها فراغ ودبحنا الأضحيه

[( أم فيصل )]

ماشاء الله يا أيوتة قضيت اليوم بالزيارات حلو
أنا اليوم صليت صلاة العيد
رجعت شربت القهوة وبعدين عملت المقلقل وزعت الاضحية
دمت بود

[سنووايت]

وعليكم السلام ورحمة الله وبركاته

فكرة حلوة قوى تسلمى يا ايات يا عسل

طبعا رحت صليت العيد وما كنتش نمت الا ساعتين قبل الفجر ورجعت من الصلاة

حاولت انام معرفتش صحيت وساعدت اخواتى هما يوزعوا الاضحية وانا عملت الاكل كله

ولسه صاحية وعايزة انام ويادوبك عيدنا على بعض الاهل بالتليفون اصل الكل النهارده يكون مشغول
وكل عام وانتم بخير

[*آيات*]

ماشاء الله مداد هنا وسنوويت
كل عام وانتم بخير
يابختكم صليتوا العيد انا ماقدرتش
بس صحيت بدرى وعيدت على اهل زوجى فى البلد
ورجعت لقيد امى وخويا لسا بيقسموا فى الأضحية
وخرجت بالليل عيدت على مرات صاحب زوجى
ده اول عيد اخرج فيه كده بعد ما زوجى سافر من سنتين
الاعياد اللى فاتت كنت ببقى مدايقه كده بس العيد ده صممت قلت لاء
لازم اروح اعيد على الناس اللى اعرفهم واحاول ابسط نفسى رغم انى مدايقه
لكن الحمد لله ربنا يجيب زوجى بالسلامة والسنه الجايه يكون معانا عمار ادعولى
ياااا يا مداد دائما قهوتك معاكى فى كل المناسبات بس ايه هو المقلقل؟
ماشاء الله ياسنوويت عملتى الاكل كله باين عليكى شاطره

[( أم فيصل )]

ههههههههه ضحكتيني على القهوة أنت ما تعرفين
أنها صديقتي الوفية الى ما استغني عنها باي حال من الاحوال
أما المقلقل علشان خاطرك وخاطر أيومة راح أدخل المطبخ وأعمل لكم أحلى مقلقل
بالعافية عليكم
أنتظروني لما أروق وأفضى

[*آيات*]

ربنا يسعدك يا مداد
منتظرينك حبيبتى تدخلى المطبخ وتعمليلنا المقلقل علشان نعرفه ايه هو؟

[ندى لوف]

والله يا ايات قاعدين بالبيت ومرتاحين كثير ادعيلنا

[*آيات*]

السلام عليكم(
وقرن فى بيوتكن)والله مافيه احسن منها قعدت البيت ياندى
أنا انهردة قعدت مع اختى جات عندنا وعيالها ال5 عبد الملك 4 ابتدائى عبد الحكم 3 ابتدائى عبد الحق 1 ابتدائى رفيدة 1 حضانة وآسيا 6 شهور قعدت معاهم واتغدينا فتا باللحم ورحت زرت صديقتى اللى اتعرفت عليها فى المسجد ساكنه جمبنا على بعد خطوات وبس وانتوا عملتوا ايه انهردة؟

[سنووايت]

وعليكم السلام ورحمة الله وبركاته

شاطرة ايه يا ايوته انا على قدى وبعدين مفيش غيرى يعنى لازم اعمل الاكل

ماشاء الله عليك حلو انك تخرجى وتغيرى جو طالما باذن زوجك وربنا يرجعه بالف سلامه

ويرزقك عمار النهارده برضه عملت الاكل بس صراحة كنت من يومين عاملة محشى
وطلعته سويته جنب اللحم طبعا دى عيد اللحمة وبعدين نزلت اعيد على عمى ومراته

وبالمناسبة بنت عمى كانت هناك ومعاها ابنها عمار ربنا يرزقك زيه آآآآآآآآمين

[*آيات*]

آآآآآآمين يا سنووويت
محشى اموت فى المحشى اكيد لزيز خليلى شويه
انهرده
كانو عملين اخويا حفله لعياله محمد وخديجه وعازمين ناس كتير وهما سكنين فوقينا رحت حضرت الحفله والحمد لله

[سنووايت]

ايات والله انت عسل

انت تؤمرى والمحشي يوصل لحد عندك وربنا يباركلك فى اخوك واولاده

الجو النهارده برد جدا مارحتش فى اى مكان انت عاملة ايه فى السقعة دى

[*آيات*]

السلام عليكم
انتى اللى عسل يا سنووويت تشكرى حبيبتى كانه وصل
انا برضه ما خرجتش اخويا ساكن فوقينا طلعت يادوبك فوق حضرت الحفله ونزلت
السقعه حتى على السلم مجرد ما الواحد يطلع فوق يبرد
الدنيا برد خالص عندنا مصر عندكم الجو ادفا شويه انتوا بينزل عندكم مطر هنا فى الصعيد مابينزلش مطر نادر ان نزل والجو برد خالص لكن عند زوجى فى السعوديه حر دلوقتى