طبقنــــــــا اليوم هو
. .خلية النحل ( قرص العســل ). .
المقاديـــر
o طحين ( 3 اكواب)
o رشة ملح ( نص ملعقة )
o خميرة فورية ( ملعقتين )
o سكــــــــــر ( ملعقــــــــة )
o ربع كوب زيت عافية ( مب شرط عافية اي زيت تستخدمونه )
o ماي ( تقريبا كوب واحد )
o جبن كيري .. او زعتر .. (او اي شي تبونه على حسب رغبتكم ) للحشــو
الطريقة كما يلي :
o اول شي انييب ملعقتين خميرة فورية وملعقة سكر ونخلطهم مع بعض بماي
o انحط 3 اكواب طحين وانحط فوقه الملح وانيب الخمير اللي خلطناها مع السكر وانحطها فوق الطحين
o طبعا لازم اتكونون مغسلين ايدكم عشان تعجونون بايديكم
o نخلط الخميرة مع الطحين وانحط الزيت ونخلطه
بيستوي شكله
الحين انحط كوب الماي ونعجن بكل ما اوتينا من قوووه نعجنها عدل انخليها طرية
واذا تمت العجينة تمسك بايدكم حطوا اشوي زيت على ايدكم عشان ما تلزق
خلصنا العجينة انغطيها وانخليها نص ساعة تتخمر وتنتفخ
طريقة الحشوو :
o عقب ما خلينا العجينة تتخمر انييب الصينية
o نقطع قطع من العجينة وندهن ايدينا باشوي زين عشان ما تلزق العجينة على ايدنا
o نفردها على راحة اليد على شكل دايرة صغيرة وانييب قطعة صغيرة من جبن كيري ونحطها وعقب انلف العجينة عدل على شكل كورة وانرصها في الصينية
عقب ما نخلص انحطها في الفرن لمدة نص ساعة او ثلث ساعة لين تستوي وتتحمر من فوق
منقول .......................