السلام عليكم و رحمة الله و بركاته
معرفش إذا كان حد اكتشف الطريقة دي قبل كدة لكن انا ماشفتهاش قبل كدة و ابتكرتهالكم 
علشان اللي ما بتحبش الباترونات 
تخيط بسهولة 
طريقة بسيطة للي عاوزة تتعلم الخياطة منغير باترون
المانكان ده بديل علشان مينفعش اضع صور حقيقية
في التنفيذ بنستبدل المانكان بالشخص اللي هنخيط له
الناتج مش هيكون في قمة الدقة لكن مع الوقت ممكن تتعلمي ازاي تنفذي الباترون الخاص بيكي بسهولة
هاتي ورق جرايد و الصقيه بحيث يكون طوله = طول الموديل اللي هتنفذيه و عرضه أكبر من عرض الشخص اللي هتنفذي له الموديل (محتاجة منه طبقتين متماثلتين)
مثلا لو هننفذ جونلة:
* افردي ورق الجرائد عند الخصر ثم طابقي الطبقتين من الطروف
* باستخدام الدبابيس حددي مقاس و شكل الجونلة مع عمل حساب الوسع من اسفل أن يكون مناسب للسير (بحيث لا تكون ضيقة فتقطع عند المشي)
الصورة الموضحة ليست بمقاييس الجونلة المطلوبة ....استخدمي الموديل المناسب و المريح لكي
*تلاحظي أن الجونلة واسعة عند الخصر و البطن فقومي بالتالي:
-قسمي الوجه الخارجي للجونلة (عند البطن) إلى 3 مقاطع متساوية و حددي مكانها
بطباشير الخياطة الملون أو باستخدام الدبابيس
-قومي بعمل بنستين متساويتين عند علامتي الثلث يمين و يسار عن طريق ضم ورق
الورق لتضييق الجونلة بالوسع المناسب
-اشبكي البنس بدبابيس
-بعد ضبط الجونلة بالمقاس المناسب قصي حول الدبابيس من الخارج مع ترك 1سم
براح
-افردي الباترون على القماش و اتبعي طريقة القص المشروحة في درس نتعلم
الخياطة معا من جديد
منتظرة الأسئلة إذا كان في أي شيء مش واضح
و اللي محتاجة تفاصيل أكتر و شرح خاص لموديل معين تتفضل أهلا و سهلا
أتمنى تكون الطريقة سهلة 
و لو عاوزين طريقة تانية 
هجيبلكم ان شاء الله قريب
ذهاب لأعلى
