6 رد (ردود) على هذا الموضوع

[العذق الرداح]

[

font=Verdana] بسم الله الرحمن الرحيم



مع ان القصه قديمه ...لكنها تركت معاني كبيره في حياتي

كنت في المرحله الثانويه....ومن مرت فيها تعلم جيداً مافي هذه المرحله من مواقف

في أولى ثانوي كانت لي صديقاتي وهن اربع على خلق ودين كنا نتميز عن غيرنا من المجموعات فالمدرسات

يعملن لنا حساب والمديرة تعاملنا وكأننا نساء ناضجات ......ولسنا فتيات ........المهم كنت انا من دونهن جريئه.....

أحب التعمق في شخصيات البنات كنت لا اتردد في التعرف على اي مجموعه حتي اعرف الجانب الآخر

من بنات المدرسه ........المهم في سنه ثاني ثانوي تفرقنا .......كل وحده اختارت القسم اللي يناسب ميولها ........

ولكن كنا نجتمع بالفسحه .....وفي صلاة الظهر بالمصلى.....المهم تقابلت مع احد البنات وهي كانت معجبه فيني لما كنت

بالمتوسط وعرضت عليها صداقتي لأني أكرة الأعجاب....... المهم صرت اطلع معاها في حصص الفراغ والفسحه لان صاحباتي يكونو

مشغولات كثير...فأظطر اتمشى معها........المهم مع مرور الوقت تعودنا على بعض وصرنا مانستغني عن بعض اسمها هنادي.......

وبعد فترة تعرفنا على بنتين وصرنا مجموعه...بدأو زميلاتي السابقات يتضايقو لما يشوفوني معاهن.....

وانا اخذ بخاطرهن واسولف شوي معاهن وارد لصاحاتي

الجدد...........احزان كانت اسم على مسمى دائماً حزينه ......وكأن وراها سر......باين عليها انها ضايعه.....وكنت اتمنى اعرف السر اللي

وراها..... وكنت اقول لهنادي ان احزان وراها شئ.........وهنادي تداري ماتبغاني اعرف لكن كنت مصرة اعرف....وياليتني ماعرفت

في يوم من الأيام ..........شفت ناديه صاحبت احزان تصارخ على احزان وكنت احاول اهدي الموقف اقول بس مايصير تصرخين عليها

وناديه تقول بالك ماتدرين وش تسوي المجنونه هذه!!!!واخذتها بعيد واكلمها استفسر عن الموضوع............قال احزان راح تموت ان

استمرت على اللي تسويه وانا لازم اوقفها ......قلت وش تسوي علميني يمكن اساعدها.......قالت آآآآآآآآه احزان تشرب مادة

تخلطها مع الماء وهذه الماده تخليها بس تضحك وتنسى الي هي فيه...........................لاحول ولا قوة الا بالله



للقصه بقيه.......انتظروني [/font]

[تقة]

السلام عليكم ورحمة الله وبركاته
لاحول ولا قوة الا بالله

[العذق الرداح]

آسفه على التأخير
وهذه المادة موجوده تقريباً عند اكثر البنات لكن ولا خطر ببالي يوم من الأيام ان الماده هذه ممكن تستعمل كمسكر

جلسنا نفكر بطريقه ننقذ فيها احزان .........ولقيت فكرة اني اكلمها واسألها ليه هي دمر نفسها ......واكذب عليها

وأقول ان الماده هذه تفقد الفتاة عذريتها!!!!!!!!!! مالقيت ساعتها الا هالحل .......

وفعلاً كلمتها وهي انصدمت قالت ياربي ماكنت ادري انها خطيرة؟؟؟؟سألتها مين الي دلك على الماده هذه .......؟مارضت تقولي

قلت ليش تشربينها ؟؟ قالت انسى هموم الدنيا !!! قلت اي هموم هذه يمن اقدر اساعدك؟؟؟ قالت انا كنت احب ولد خالتي وهو اكبر

مني ونتراسل وقال لي مرة انه بيخطبني من ابوي........ المهم انا صدقته ورسمت بعقلي الحياه اللي بعيشها معاه

وحافظت على العهد اللي بيننا ان محد يعرف بقصه حبنا .......حتى أختي الكبيره ما تدري........وجاء الموعد

وجلس هو مع امي وابوي واخواني وجلت انا واختي وجلسنا((تقول كنا متنقبات)) وهو بين لحظه وأخرى يناظرني يبتسم

تقول وانا الأرض ماهي واسعتني من الفرحه......كلها كم دقيقه والحلم يصير حقيقه!!!!!!!

وفجأة قال :عمي طلبتك تزوجني ........((وانا قلبي يدق بقوة))

قال ابوي :انت تامر امر

قال ابي بنتك الكبيرة ........................فقول ساعتها لا شعورياً ناظرت له للأسف كان يبتسم؟؟؟؟؟

حسيت جسمي انهار وقبله حلمي انهار.........وأختي دخلت وبعيونها دموع الفرح.....

وقلت لها طيب هذا سبب دمرين نفسك عشانه؟؟ يابنتي أنتي صغيره والعمر قدامك ان شاء الله وبكره يجيكِ احسن منه

المهم وعدتني انها ماراح تشرب مرة ثانيه.......لكن رجعت حليمه لعادتها القديمه .....فقالت ناديه خلاص لحد كذا كفايه....انا

بكلم امها ((امهاتهم صديقات))...وفعلاً كلمتها امها ماشاء الله أخذتها للمستشفى وسولها فحوصات

بعد فترة لقيتها دايم تتمشى مع هنادي وكأن بينهن اسرار........وعرفت ان احزان تراسل اخو هنادي .......واقول لها ماتتوبين

السوالف هذي؟؟؟؟؟تقول لا هو غير عن باقي الشباب .....رحت وكلمت هنادي وعاتبتها ليش تسوي كذا ؟؟قالت مالي دخل هم

يحبون بعض ........قلت بالله اسألي اخوكٍ هو مستعد يتزوجها ؟؟؟؟؟؟؟؟؟بعد مده ردت وقالت سألته وقال لأ وطلب مني اقول لها لاعاد

ترسل له رسايل .......واخذ رقمها واعطاه أخوي الكبير وكان شاب ضايع........وقلت لا يكون يكلمها؟؟؟؟؟؟؟؟قالت للأسف ايه

وهي تكلمه وتراسله........

ما يأست من النصيحه رحت كلمتها وقلت اها الرجال ذا يلعب عليكي انتبهي منه اتركيه.......اذا أخته تنصحك بلأبتعاد عنه هذا مايصلح

حتى تفكرين فيه كزوج ........قالت لا تظلمين الرجال .....هو طيب.......قلت لها مره وسألتها انتو وش تسولفون فيه

قالت قصايد وسوالف عاديه......بس مره طاب مني اعطيه قميص من قمصاني وارميه عليه من ورى سور البيت!!!!!!!!



يتبع<<<<<<<<<<<<<<<<<<<<<<<<

[العذق الرداح]

اظاهر محد يقرأها غيري

عقبو على القصه ولو كلمه........

احباط مابعده احباط هئ هئ هئ

[sweetyh]

لا حول ولا قوة الا بالله
منتظرين البقية

[العذق الرداح]

جبرتي بخاطري الله يجبر بخاطرك

[العذق الرداح]

قلت لايكون عطيتيه القميص؟؟؟؟؟؟؟؟؟؟قالت لأ واذا عطيته شيصير يعني؟؟

قلت مجنونه انتي !!!!أقل شئ ممكن يسحركِ او يتهمك انك تطلعين معاه.......والدليل القميص الي بتعطينه اياة......قالت أشتري قميص

جديد وأرميه عليه ومارح يقدر يضرني.........قلت وش حادك وشتستفيدين من كذا؟؟؟؟؟؟

قالت بشوف وش يبغى بالقميص.......((تهور وحب استطلاع يسيطر على البنات اللي بالعمر هذا))

المشكله احزان عندها قناعه بالي تسويه.....ولما ننصحها تقول خلاص بتوب وبعد يومين ترجع زي ماكانت المشكله انها اقنعت هنادي انها

تسوي قصه حب مع اخوها((اخو احزان)) وللأسف صارو يتراسلون .........

ومرة كنا عند دوراة المياة ....سألتهن بكل صراحه انتن سعيدات باللي تسونه........قالن ايييييييييه الحب حلو وياليتك تحبين كان تعذرينا

وقالت لي احزان شرايك أعرفك على ولد عمتي تراه طيب وحبيب !!!!!!!! أحس انكم تناسبون بعض......

قلت نعم؟؟؟؟؟ وبعد كذا طلعنا لبيوتنا ........وصرت افكر بكلام احزان....ليش قالت لي هالكلام ؟؟؟هي تدري اني احتقر الامور هذه

وثاني يوم كلمتها وقلت لو انك صديقتي وتحبيني ماعرضتي علي ولد عمتك..لكن الحين بس عرفت انك بتضيعيني

قالت لا انا كنت امزح!!!!

المهم مرت الايام ........والاسابيع وانتهت دراستي .وسافرت لمدينه ثانيه ...

وصارت اتصالات بيني وبين هنادي ...الحمد لله هنادي هداه الله وبطلت هالسوالف........

مره سألتها عن احزان وشصار عليها قالت لي............احزان خلاص مااكلمها ودعت عليها...............

سألتها بأستغراب ليش؟؟؟

قالت هذي ال((............)) تتقابل مع اخوي الصايع الضايع داخل بيت اهلها....قلت واهلها ماحسو فيها مأنتبهو لها .......قالت الا

السواق طلع ابن حلال وخبر اخوانها وهاوشوها وتفو بوجهها..........

احزان خانت الثقه اللي اعطوها اهلها .....كانو يحبونها وطلباتها مجابه ......لكن بعد الي صار ........تحطم كل شئ

والان هي تزوجت وصارت ضرة

وهنادي تطلقت.......

وناديه عندها بنت ......


والقصه مستمرة لكن كل منا لها حياتها الخاصه