12 رد (ردود) على هذا الموضوع

[om-ismail]

السلام عليكم ورحمة الله وبركاته00000

بصراحه اخترت كتيرررررر اكتب الموضوع فين................

عندك قطه فى البيت واحده و لا اكثرر

ياترىى اظافرهم لما بتطول بتجرحك و لا بتاذى الاطفال

ياترى بتخرب الفرش و السجاجيد باظافرهاا

عندك مشكله من اظافر قطتك و نفسك تقصيهاا..... خايفه ليه ؟


عمليه قص الاظافر لقطتك عمليه سهله و بسيطه جدااا لو اتبعتى الخطوات الصحيه

اولا لازم قبل اي شئ يتوافر الهدوء و الطمائنينه بالنسبه لقطتك

لان اهم عامل اللي بسبب وجوده تحصل المشاكل و المخاطرهو العصبيه وعدم الهدوء ...

فحاولى دائماا طمأنة قطتك بحركات ناعمه و رقيقه عند القص بالمسح على جسمه وتدليكه اسفل رقبته

واهم نقطه دائما ناديه باسمه المحبب و بصوت هادىء .






ابدئى بقى فى القص بسهوله و بساطه كانك بتقصى اظافر اولادك او اظافرك انتِ شخصياا

امسكى الاصبع وقم بتدليكه عالخفيف " مساج في الاصابع " لتهيئه القطه الى انك ستتعاملى مع هذا الجزء منهاا

و عن طريق الضغط الخفيف في باطن يد قطتك\قطك العزيز و ابدئى بالقص

والقص يكون على فترات قريبه احسن من فترات بعيده يعنى مش تسيبيها سنه من غير قص
.
طبعاا الادوات المستخدمه فى القص ممكن تبسيط عملية قص الاظافر على ابسط الامور باستعمال مقص الاظافر العادي الي احنا

نستعمله .. وهذا مش غلط

ولكن يفضل مقص اظافر مخصص لعملية القص لو كان متوفر و سهل الحصول عليه

وهناك احجام وانواع كثيره للاداة الي راح نقص فيها اظفر الحيوان والحجم يتغير طبقا" لنوع الحيوان وكبر ظفره




امثله لادوات القص (المقصات المختلفه ) الخاصه بالقطط











نتعرف الاول على شكل ظافر القط





في الصوره الظفر مقسم لمنطقتين منطقه الي راح نقصها (لونها مائل الى البياض لخلوها من الاوعيه الدمويه لاا احساس فيها ) ومنطقه راح نتفاداها ( مائله الى اللون الاحمر لانها مليئه بالاعصاب و الشعيرات الدمويه و تسبب نزيف للحيوان اذا قصصناهاا )




قص الاظافررر


عن طريق الضغط الخفيف في باطن يد قطتك\قطك العزيز.
كما في الصوره








تفادى قص منطقة التجنب التى تظهر باللون الوردى فى قاعدة المخلب لانها تحتوي على الشريان المغذى

في حال غلطت واقتربت من منطقة " تجنب " الموضحه في الصوره

ما النتيجه ؟؟

النتيجه نزيف وعادة" النزيف مايطول خصوصا" في القطط ...

كيف تتصرف ؟؟


لاتتوتر او تنزعج لانه القط سيتوتر بتوترك ..

حاول تهديه عن طريق المسح بيدك على ظهره وتدليكه اسفل رقبته وتناديه باسمه

في حال استمرار النزيف

قم بمسح الدم عن طريق ماء دافىء .. تجنب " السبيرتو " ثم قم بوضع بودره خاصه على مكان النزيف
وهناك بدائل لهذه البودره الخاصه :

1- الطحين
2- الضغط بقطعة صابون
3- ماء دافىء



و ان شاء الله تتم العمليه بدون اى مشاكل و بالتدريب تصبحى خبيره فى قص اظافر قطتك

[أفنان]

موضوع ظريف وجميل لهاويات تربية القطط
أنا بخاف منها بس وهي ماشية من جنبي مابالك بقص أظافرها
جزاكِ الله خير

ملفات مرفقة

•  9_2.gif   36.12كيلو   0 عدد مرات التحميل

[om-ismail]

موضوع ظريف وجميل لهاويات تربية القطط
أنا بخاف منها بس وهي ماشية من جنبي مابالك بقص أظافرها
جزاكِ الله خير

يا خبر يا افنانا بتخافى من القطط للدرجه دى


ده انا ولادى نفسهم اجيب لهم قطه لو سمعوكى هيستغربوا اوىىى

[رانيا15]

تسلملى لى يا امى
لكن انا بقول فى موضوع قص اظافرهم حرام
لانها وسلتهم الاولى فى الدفاع عن النفس بصراحه بستحرم
وايدى زى ايد الحراميه من كتر الخرابيش بس اعمل ايه بحبهم
والسجايد عندى كويسه لكن الانتريه اللى اجاريك الله
والله معلومه حلوه
لكنى اخشى ان اخيف اى قطه
وتصدقى يا امى ان قطه من قططتى كانت حتضيع اليوم
خرجت واستخبت فى البيت فوق الحمد لله ان باب البيت بمفتاح
ومحدش بيدخل غير لما يقفل وراه
طلعت لقيتها مستخبيه وسط التراب والله شكلها كان يبكى
ولسه زوجى لما يجى لانه اتصل وانا بدور عليها واعيط
حيدينى محاضره اصل دول مش قططنا دول عيلنا
والله اكثر من عيلنا يا امى
والحمد لله انى لقيتها لو كنت ما لقتهشا ما كنت سمحت نفسى ابدا
وشكرا تانى يا امى

[om-ismail]

رانيا حبيبتى اد ايه انتِ رقيقه و حساسه

حبيبتى لازم تقصى اظافر القطط لو مربيها فى بيتك لانها بتنقل الجراثيم و الامراض بطريقه فظيعه و خصوصاا لما تخربشك بيهاا
و كمان لما القطه بتلحس اديهاا ممكن كمان الميكروبات اللى فى اظافرهاا تنقلها امراض كثيررررررره

دى نظافه للقطه و لك و لكل البيت

ضرورىىى قص الاظافر طبعااا

[جدة مازن]

السلام عليكم ورحمة الله وبركاته

اجمل معلومة من ست الكل انتى عارفه انا كنت بوديه للدكتور يقص اظافره ويخف شعره
بعد المعلومة دى اجرب

مشكورة حبيبتى بارك الله فيك

[om-ismail]

ما شاء الله جده مازن انتِ عندك قط يا غاليه
احكى لى عنه

على فكره ان شاء الله بكتب مواضيع تانيه عن القطط ان شاء الله تعجبكم

[جدة مازن]

السلام عليكم ورحمة الله وبركاته

قطى قمر ياام سمعه اسمه ببلى وهوشيراز ابيض سبحان الخلاق العظيم شعره كثيف ابيض تحبى تبصيله عسوله اوى الشهر اللى فات جوزته لمدة شهر عند اخويه من قطه شيراز برضه بس سوده هو بالنسبلها قمر بفكر اجبله عروسه تقيم معاه على طول ايه رايك اتكل على الله واجوزه

[Areej]

انا بحب شكل القطط قوى
بس لو قربت منى اموووووووووت من الخوف

[*آيات*]

يايا ام اسمعيل مبقاش الا امس ك القط الى عند حماتى و اقصله اظافره هههههههه دانا بخاف من من امراض القطط لدرجت ما احب يجى جمبى ابدا طيب هفكر اقصله بشرط بعد ما اقصله يقصلى هو كمان بالدور هههههههههه
جدت مازن عيزين نشوف الفرح امتى والااحنا مش معزومينهههه

[om-ismail]

السلام عليكم ورحمة الله وبركاته

قطى قمر ياام سمعه اسمه ببلى وهوشيراز ابيض سبحان الخلاق العظيم شعره كثيف ابيض تحبى تبصيله عسوله اوى الشهر اللى فات جوزته لمدة شهر عند اخويه من قطه شيراز برضه بس سوده هو بالنسبلها قمر بفكر اجبله عروسه تقيم معاه على طول ايه رايك اتكل على الله واجوزه

ما شاء الله لا قوه الا بالله..... بتطعميه يا جده مازن و لا لاء

لازم تاخدى بالك منه كويس

و الله لو عندك المقدره على انك تراعى اسره كامله ياريت تزوجيه من قطه اصلى بس بششرط من مصدر موثوق

و فى موضوع عن كيفيه اقتناء القطط بامان هنا برده ياريت تقريه

ما شاء الله هتبقى عندك سلاله رائعه

قطك زى ده يا غاليه

انا بحب شكل القطط قوى
بس لو قربت منى اموووووووووت من الخوف

يا خواااافه

يايا ام اسمعيل مبقاش الا امس ك القط الى عند حماتى و اقصله اظافره هههههههه دانا بخاف من من امراض القطط لدرجت ما احب يجى جمبى ابدا طيب هفكر اقصله بشرط بعد ما اقصله يقصلى هو كمان بالدور هههههههههه
جدت مازن عيزين نشوف الفرح امتى والااحنا مش معزومينهههه

اضحك الله سنك يا خوافه

[جدة مازن]

السلام عليكم ورحمة الله وبركاته

هو بعينه بس ببلى احلى شعره ابيض ابيض وعنيه برتقالى مش ليه حق برضه وبالنسبة للتطعيم طبعا طعمته وكمان بديله حقنه هى

عبارة عن انبول تفركيه فى رأسه ويفضل فيه 24 ساعة وبعدين احميه علشان البراغيت مشكورة حبيتى على اهتمامك ونصايحك الجميلة

[om-ismail]

ربنا يحفظه لك يا غاليه

لاء طالما انت بتحبى القطط كده و بتعتنى بها يبقى ضرورىى تعملى له اسره و كبيره كمان

فى انتظار اول قطه انا حجزتهاا من دلوقتى