8 رد (ردود) على هذا الموضوع

[نبع الشوق]

اتمنى من الاخوات من الشرقيه او اي وحده تعرف فيكم ايش هو الساقو تقولي لاني خارج المملكه وجات وحده لزيارتي وجابت معها كميه وعطتنيها لما جت تروح
وهو عباره عن حبيبات بيضاء دائريه صغيره جدا
قالت لي انها تستخدمها للمهلبيه ولكن كيف لا اعلم ارجوكم ارشدوني ؟
جزاكم الله خير

[ام الكوتو]

اول مره اسمع فيه ويمكن اعرفه بس بمسمى ثاني 00

[كندة]

مرحبا يا جوهرة العين.. الساقو أكلة شعبية مشهورة عندنا في الامارات ..المهم طريقته كالتالي:-
المقادير:-
1- كل كوب ساقو يحتاج ثلاث فناجين سكر (حسب الرغبة)
2- ملعقة هيل صغيرة+ ماء ورد+ زيت تقريباً نصف كوب.(تقدرين تزيدين اوتنقصين في المقادير يعني حسب الرغبة وحسب الكمية).
الطريقة :-
ضعي الساقو (تودنين) في ماء لمدة ربع ساعة أو اكثر حتى يلين.
بعدين هاتي قدر وحطي فيها السكر لحد ما يذوب ويصير لونه بني بعدها ضيفي له الماي بمقدار كوبين بعدين حطي الهيل وماء الورد والزيت و زعفران ولما يختفي السكر تماما ويغلي الماء حطي الساقو بعد ما تصفينه من الماء، وقلبي عشان ما يلصق واذا نشفت ضيفي لها ماي وقلبي لحد ما يتحول لونها إلى بني وقصري على النار وغطي القدر ولما تختفي الحبوب يكون الساقو جاهز .
وبعد ما تغرفينه في الصحون حطي عليه سمن ..
وبالعافية عليج

[نبع الشوق]

شكرا اخواتي لردودكن
جزاك الله خير اختي ام الكوتو وشكرا كندة شكل الطبق لذيد
االله يعطيك العافيه
ان شاء الله راح اجربه

[رزان البحــــــــــــــــرين]

السلام عليكم ورحمة الله وبركاته

مثل ما قالت أختى كنده ونفس الطريقه بس أضيف أن الساقو نسويه على طريقتين أما السكر يكون أحمر يعنى تحمرينه على النار زياده بسيطه علشان يصير مثل الحلوه
وأما السكر ما تحمرينه يعنى عادى ويصير الساقو ذهبى مضاف له الزعفران
أن شأالله أفدت

[راجية]

السلام عليكم ورحمة الله وبركاته،،


جزاكم الله خيرا أخواتى الكريمات


أنا أيضا كنت أود أعرف ما هو ((الساكو))


أختى جوهرة العين


هنا تجدى عدة وصفات ...للساكو


وصفات أفنان الزياني

[نبع الشوق]

جزاكن الله خير اخواتي الصراحه افدتني لاني كنت راح ارميه لاني مو عارفه اتصرف فيه
جزاااااااااااااااااااااكن الله خير الجزاء

[أحـــ قمر ـــلى]

السلام عليكم ..

والله أني قريت الموضوع وقعدت أدور صورة له .. والظاهر أني وصلت متأخرة

بس ماعليه بحط صورته للي ما يعرفونه ..

[نبع الشوق]

شكرا لك يااحلى قمر
وتسلمين على الصوره