11 رد (ردود) على هذا الموضوع

[بلبلة الأسكندرانية]

بسم الله الرحمن الرحيم
ام عمرو ومسلمة سمك تانى أهه يارب يعجبكم ويعجب أخواتى فى الواحة
المقادير:سمك بلطى مزالة قشوره وخياشيمه والأمعاء ومغسول بالملح والماء البارد ومشقوق ومحشى ثوم مهروس + كرفس مفروم + كمون + شطة + عصير ليمون+ وملح ويقلى بالطريقة العادية للسمك المقلى
5 بصلة كبيرة مبشورة + 2 راس ثوم مهروس + كسبرة + كمون وشطة وفلفل اسودوملح+ طماطم مقطعة قطع صغيرة + صلصة ( معجون طماطم) عصير ليمونة كبيرة+ زيت
الطريقة: يحمر البصل فى الزيت ويوضع الثوم والكسبرة الجافة والكمون والشطة والملح والفلفل
بعد التحمير نضع صلصة الطماطم والطماطم المقطعة قطعا صغيرة وعصير الليمون ويترك على النار للتسبيك
بعد التسبيك يوضع السمك المقلى فى الخليط المسبك مع قليل من الماء على نار هادئة حوالى نصف ساعة ثم يدخل الفرن حوالى ربع ساعة وبالهنا والف عافية

[ام عمرو]

بلبل حبيبتى هو ده الشغل التمام
للعلم بالأمس قمت بعمله ولكن بسمك دراج وكان رائعا ولكننى سأنفذ أوامرك وعندى بلطى طازج فى البراد ولا يهمك أنفذه مع البلطى فأنا أحب كل الأصناف والآن نقوم بعمل دعاية لك :
طاجن سمك بلبلة لا يفوتكم
السمك الزين للناس الزين
هيا يا بنات أحضروا الخامات
أشهى من الطاجن مفيش :-
السمك البلطى شريتك من هنا
قليتك واحدة واحدة ورصيتك أنا
وعملت منك طاجن وسويتك لنا
يا سمكنا يا مقلى أكلنا بالهنا

[muslema]

السلام عليكم و رحمة الله و بركاته,,

أهو ده الشـــغل و الا بلاش , ما شاء الله عليك يا بلبلة , يا صاحبة أحلى أطباق لأحلى اسكندرية .

روعة حبيبتي , سلم اديكي يارب .

على فكرة يا بلبلة ....... أنا كنت عاوزة منك حاجة , معلهش هأتعبك معايا ...... أنا كنت أحاول أنقل موضوعك عن زبدة الســـمك , و لكن للأسف حدث عطل فني أثناء النقل , و لم أجد الموضوع قد نقل , فياريت لو تعيدي كتابته لو سمحتي , و سامحيني لكن و الله مش بايدي .

و تسلمي يارب حبيبتي .

[بلبلة الأسكندرانية]

بسم الله الرحمن الرحيم
ياسلام سلم يأم عمرو والنبى زع السكر والعسل لا أحلى منهم كمان
اختى وحبيبتى مسلمة وروح قلبى من عينية الأتنين على فكرة طريقة الثوم بالذبدة أتعلمتها فى النمسا بياكلوها مع سمك اسمه كاربفن وهو مقلى بس فعلا جربتها على السمك بتاعنا وهوسخن والفراخ مالهاش حل حاأكتبه تانى ان شاء الله

[muslema]

السلام عليكم و رحمة الله و بركاته ,,

شكرا بلبلة , و أنا أسفة جدا جدا على تعبك حبيبتي , بس و الله مش بايدي .

على فكرة , أنا كنت في النمسا في مارس الماضي , و عجبتني بشكل فظيع , سبحان الله على الجمال الطبيعي , رهييييييييييييب
و كمان الناس هناك في منتهى الجمال , قبل ما أسافر كنت فاكراهم زي الألمان... بايخين , لكن بعد ما ذهبت لقيتهم حاجة تانية خالص , ناس لذيذة و طيبين . و كمان استغربت جدا لأني ما شفت و لا شرطي واحد في أي مكان !!!!!!!!
المرة الجاية أبقى أعدي عليكي

[بلبلة الأسكندرانية]

بسم الله الرحمن الرحيم
ياريت يامسلمة حاكون فى منتهى السعادة شوفى انا ممكن أكتب لكى عنوانى بس شوفى اكتبه هنا عادى ولا فى مكان اخر أو ممكن الأميل ونتراسل بي مش عارفة فين اكتبه ياريت تقوليلى ياريت أشوفك وأنا أفسحك فسح ماحصلتش فعلا النمسا من اجمل بلاد العالم فى الطبيعة وكمان أخدك جبال الألب تجنن وعلى الدانوب فى الصيف وأوريكى الوان ذهور عمرك فى حياتك ماشوفتها تصدقى فى ذهور زرقاء وخضراه والوان جميلة جدا سبحان الله والله تنورينى ياريت

[ام عمرو]

كده بلبل طلعت مش جارتى وكمان فى النمسا يعنى بيننا مسافااااااااااااااات

[بلبلة الأسكندرانية]

بسم الله الرحمن الرحيم
حبيبتى أم عمرو انا مع زوجى بالنمسا ولكن قلت لكى راقبى السمك السنجارى وحاقولك أمتى أنا جاية لكى ياحبى وللأسكندرية بلدى الحبيبة وكمان انا قلت لك أنا دلوقتى جارتك ولازم ان شاء الله أشوفك وأن حافضل طول عمرى اسكندرانية لغاية مأموت والمسافات بتقرب ان شاء الله طول مالقلب مقرب مابينا بالحب راقبى السمك السنجارى على طول اوعى تنسى

[muslema]

السلام عليكم ورحمة الله وبركاته،،

حبيبتي بلبلة ,
تسلمي يارب حبيبتي , طبعا أنت أم الكرم كله .
ياريتني كنت أعرفك قبل زيارتي السابقة للنمسا , لأن للأسف زيارة أخرى غير متوقعة أبدا , لأن أنا أذهب مع زوجي في المؤتمرات التي يحضرها , و طبعا كل مرة في بلد مختلفة
و شكرا لك يا ست الكل على حسن الضيافة , و الله حسيت بيها حبيبتي و دخلت قلبي . تســــلمي يارب .

على فكرة ....... معلهش حبيبتي , أنا مسحت عنوانك , لأن كتابة العناوين أو الايميلات أو أرقام التليفون مخالفة لقوانين الواحة .

[بلبلة الأسكندرانية]

بسم الله الرحمن الرحيم
اختى الحبيبة مسلمة عموما لو ربنا أراد سبحانه وتعالى انك تيجى مرة اخرى الى النمسا رجاء ان ترسلى لى على الواحة وحانحاول نشوف طريقة علشان أجى لكى وكمان اى اخت فى الواحة أهلا وسهلا بيها فى أى وقت وحاكون فرحانة وسعيدة جدا

[امل]

ايه الحلاوه ديه ربنا يحفظكم ويقرب القلوب كمان وكمان
والله كلامكم زي العسل ربنا يسعدكم

[بلبلة الأسكندرانية]

بسم الله الرحمن الرحيم
ربنا يسعدك ياأمل وينور حياتك ياحبيبتى