43 رد (ردود) على هذا الموضوع

[om-ismail]

السلام عليكم ورحمة الله وبركاته،،

دائمااا تخليل الزيتون بالذات دمه تقيل جدااا

و طلباته كتيرررر
و بيحتاج مجهود و موال طويل
بصراحه نادراا ما كنت اخلل زيتون رغم حبى الشديد له

الى ان و بالصدفه اكلت زيتون عند احد الاقارب
رائع و تحفه

و فى الحال طلبت الطريقه
و اذا بها لا تكلف اى مجهود او و قت

دقائق فقط و ينتهى كل شىء


المهم بعد المقدمه الطويله دى اقولكم الطريقه بقى



بصوا يا بنات



اولاا الزيتون ينقع فى الماء من 4-7 ايام على اقصى تقديرر مع تغيير الماء مرتين صباحا و مساءااا

بعد كده

كل كيلو زيتون يحتاج

15 ليمونه

محلول ملحى عباره عن كوب ملح الى 8 ماء ( بنفس الكوب)

فلفل اخضر حار حسب الرغبه ( كيلو الزيتون يحتاج كيلو فلفل احضر او اكثر حسب الرغبه)


بس خلاص
هتعملى ايه بقى
هتجيبى البرطمان و ترصى طبقه زيتون و طبقه فلفل
الى ان ينتهى المقدار


فى الخلاط نضرب الليمون بعد تقطيعه اجزاء بقشره بالاستعانه بمحلول الملح حتى يسهل الضرب فى الخلاط

بعد الانتهاء من الليمون كله نصفى الخليط و نملاء به البرطمان حتى يغطى كل اللزيتون و الفلفل


القشر الناتج عن التصفيه لا ترميه
غطى به البرطمان كاخر طبقه من المخلل ثم ضعى طبقه من الزيت لعزل الهواء و عطيه جيدااااااا

بس خلاص انتهى الموضوع


ايه رايكم سهل و بسيط و لاااااااااااا؟؟؟؟؟؟؟؟؟؟؟؟


انا شخصياا عملت برطمانين
و احد مقفول و الثانى مش قادر اشتنى كل شويه اخدمنه كام فلفله على كام زيتون
هو صحيح لسه ما اتم التخليل بس طعمه رائع لا يقاوم



جربوه و ان شاء الله تدعولى زى ما بدعى لاصحاب الطريقه

[darimania]

مممممممممم

شهيتني الزيتون

تسلمين اختي على الطريقة السهلة

[ام طارق]

تسلمين اختنا ام اسماعيل وربنا ما يحرمنا طلتك الحلوه وحشتينا يا غاليه

[om-ismail]

السلام عليكم ورحمة الله وبركاته،،
اختى الغاليه دارمينيا

بارك الله فيك حبيبتى
ان شاء الله يعجبك

مشكوره على اهتمامك بالمرور و السؤال
جزاك الله كل الخير

ام طارق الحبيبه

تسلمى لى يارب و يسلملى طارق من كل شر و سوء
جزاك الله الخير كله

[أم أروى]

السلام عليكم ورحمة الله وبركاته،،

الله يا ام اسماعيل
و الله جريتى ريقى
انا بموت فى الزيتون المخلل
لكن للأسف مفيش هنا زيتون اخضر
بشتريه جاهز
و الا كنت عملته فورا
على فكرة لما كنت فى مصر كنا بنضيف جزر مبشور
مع طبقات الزيتون و الفلفل
كان بيكون طعمها خطير
يلا بالف هنا و شفا
و لما يتخلل ابقى ابعتيلى طبق

[المبحرة]

السلام عليكم ورحمة الله وبركاته
الله يعطيك الصحة والعافية
لاأرى شىء في هذا المنتدى مجير باسمك إلا وأدخله
فلاحرمنا الله من وجودك
وسلم الله يديك وجعلنا من المتحابين في الله

[om-ismail]

السلام عليكم ورحمة الله وبركاته،،

ام اروى حبيبتى

انتى مش فى مصرر ؟

ده انتى صوره مجسده لمصر بكل ما فيها للطيبه و خفه الدم
ربنا يرجعك لنا بالف سلامه و يحفظك من كل شر يارب


الزيتون يوصل لحد باب البيت يا افندم انت تامرى امررر
بس انتى ابعتيلى دعوه


المبحره فى انهار الجنه ان شاء الله


بارك الله فيك
و الله ده شرف لى انك تتابعى مواضيعى

جزاك الله عنى الخير كله


اللهم ماستجب منها الدعاء يارب

[muslema]

السلام عليكم ورحمة الله وبركاته،،

سلم اديكي حبيبتي أم اسماعيل , مافيش أحلى و لا أسهل من كده .

ربنا يكرمك حبيبتي على حرصك الدائم لافادتنا و مساعدتنا ........... جزاك الله كل الخير يارب .

[om-ismail]

بارك الله فيك با غاليه
مجاملتك الرقيقه اسرتنى

تتواضعك الكريم سمه العظماء

كل سنه و انت طيبه

[حاملة المسك]

هلا والله بأم اسماعيل ..

عندي سؤال لك إذا مافيه مانع ... بما أنك خبيره في هذه الشغلات ما شاء الله

عندي زيتون وخللته أول مره أسوي مخلل زيتون ... غيرت الماء مثل ماقلتي والآن هو مافيه طعمة مروره لكن في نفس الوقت أحس أنه ما تخلل ... وش أسوي به ؟؟؟

[om-ismail]

يا خبرررر
حامله المسك بحالهاا عندنااااااااااااااا

يا هلا يا غلااااااااااااااااااااااا لاء مليون هلا و غلاااااااااا

انتى تامرى امرررر

عيونى الك


بصى يا حبيبتى

احكى لى انت عملتيه ازاى و من امتى ؟



انا حاضره معاك دلوقتىىى فى انتظار ردك

[honey]

طريقة حلوة من احلى ام اسماعيل.

[om-ismail]

تسلمى لخالتو يا حبيبه خالتوووو

[بلسم القلوب]

تسلم ايديكي يا ام اسماعيل دايما تجيبلنا الوصفات السهلة

[om-ismail]

سلمك الله من كل شر و سوء

[حاملة المسك]

هلا أم اسماعيل .. أنا الي أتشرف بدخول موضوعك ... وعلى فكره أنا من المستفيدات منك لكن أعذريني الوقت ما يسمح بالرد لك الدعاء بظهر الغيب أنت والأخريات ..

الزيتون ... قصته من ست أشهر جلست 15 يوم وأنا كل يوم أغير الماء بعدين صرت كل أسبوع أغير الماء لمدة شهر بعدين حطيت عليه الماء والملح وحررررركت وبعدين قطعت ليمون أرباع وفلفل وحطيتها على الزيتون وصبيت فوقه زيت زيتون وصبرت لمدة شهر وتذوقته وجدته فيه طعمة مروره قلت أصب عليه خل أبيض يمكن ينفع ... وخليته لمدة أسبوع وتذوقته طلع لا طعمه ولا ريق يعني ما ضبط معي ... وعلى فكرة أنا ما قطعت الزيتون هو على حاله

أفيديني يا أختي ولك جزيل الشكر ،،،

[ام عمرو]

بارك الله فيك حبيبتنا كلنا أم إسماعيل وللعلم كنت فى الماضى أتبع طريقة الخلاط دى وكانت رائعة والآن لا أخلل أى شىء ......كسل

[omyoussef]

تسلم ايدك ام سمعة ربنا يخليلك سمعة يارب

[فلسطين]

شكله اممممممممممم
بيشهي
بس احكيلي يا ام اسماعيل
مش كتير على كل كيلو زيتون 15 ليمونة
انا عملت زيتون قبل اسبوعين
حطيت على 3 كيلو زيتون 15 ليمونة
ايش رايك ازيد الليمون
والا خلاص ما عاد ينفع

[رلا]

أمسيه عطره فلسطين
مش أنت التي تسألي عن الزيتون لأ نك من بلد الزيتون .

[فلسطين]

صحيح يا رلا
بس مش غلط الوحدة تتعلم من تجارب الاخرين
وخصوصا انه فيه طرق كتيرة لعمل الزيتون

[راجية]

تسلم ايديكى يا ام اسماعيل

تعرفى كانت جدتى ربنا يعطيها الصحه يا رب بتقولى كده

بتقول انهم تقريبا كانوا بيخللوه بالليمون ....بيحطو ليمون كتير

بس انا الصراحه ما كنتش متخيله الكميه ..وما حاولتش ابدا انى اجربه

ودايما بيطول معى على ما يستوى

الا من حق على طريقتك ممكن يستوى على كام يوم ؟؟

وتسلم ايديكى مره تانيه ......ويخليكى للخايبين اللى زيى ههههههههههههههههههههههههههه

[om-ismail]

السلام عليكم ورحمة الله وبركاته،،

لكل البناااات انا اسفه على التاخيرر بالرد

بس فعلااا الزيتون طلع راااااااااائع جدااااااا


ياريت تجربوه

مش راح تندموا ابدااا

[صفاء المصرية]

بسم اللة الرحمن الرحيم
اختى الغالية ام اسماعيل ا اخواتى الاعزاء انا لم اجرب هذة الطريقة ولكن جزاكى اللة خيرا يا اختى الغالية ولكن اسمحو لى ان اعرفكم على طريقة اطعم واسهل ايضا فى تخليل الزيتون وان شاء اللة راح تعجبكم اخواتى وهى كالتالى
نجيب الزيتون التفاحى اللى هو بيكون كبير الحجم وبعدين نمسك كل واحدة على حدا وندق عليها باليد او بزجاجة الحاجة الساقعة حتى تنفصل الزيتونة عن البزرة ثم نحضر الفلفل الاحمى ونضعة فى الكبة وندور علية قليلا حتى لا ينعم ثم نقطع الليمون نصفين ونعصرة بايدينا او بالعصارة اليدوية ولا نرمى قشر الليمون انما نضعة ايضا مع الزيتون المنزوع بزرة ثم نضع ملح على الليمون حسب الرغبة فى الطعم ونضع الكل مع بعضة مع اضافة قليل من الزيت ولن يتأخر فى التخليل يعنى لو على هذة الطريقة سوف تاكولين منة بعد 7 ايام بالظبط وبالهنا والشفا

[مريم1]