السمك المقلي مش محتاج وصفة او مقادير لكن لذاذته في تتبيلته و انا قلت اتفلسف في طبق مش محتاج فلسفة و لكن قد يكون فيه الفائدة
السمك بعد ما يتنضف ويتغسل كويس ممكن ننقعه في مياه بارده بقليل من الملح لحد ما نحضر التتبيله
التتبيلة
ثوم مهروس ناعم
الكمون و ده الي بيعطيه الطعم و الريحة
كسبرة خضرا مفرومة ناعم
شطة او فلفل احمر حار مهروس ناعم
ممكن طماطم مقطعة مربعات صغيييييييييييرة و ممكن برضه بصل بنفس الطريقة لكن بكمية بسيطة
و الملح طبعا جسب الحاجة
بنخلط كل ده كويس و نجيب السمك مكان ماهو مشقوق و نملاه بالتتبيلة و نرصه في طبق و باقي التتبيلة نضيفها عليه ونسيبه شوية بالثلاجه ليكتسب الطعم
بنحضر الدقيق للقلي بنخلطة بشوية كمون و ملح مش كثير و نقلي السمك في زيت حار
السمك المقلي حلومع الرز الابيض و صلصة البندورة الحارة و لو حبيتم مع خبز بنعمل السلطة عادي
طماطم و بقدونس و بصل اخضر و ممكن خيار و فلفل اخضر حار كله مقطع صغيييييييييييير جدا و في الاخر بنضيف له سلطة الطحينه يعني الطحينه على السلطة و شويى زيت زيتون و طبعا الطحينة بيكون فيها الليمون يعني بيكون الطعم ممزوج ما بين الطحينة و السلطة
صراحة تطلع مع السمك روعة و تقدموا معاها طبق باذنجان مقلي بالفلفل المقلي متبل بالثوم و الخل او الليمون و كلوا بالهنا و الشفا بس الله يعين الجميع اكله كلها ثوم لكن قمة في اللذاذة
و كتر خيرها الي تفهم مني حاجة
سلامي للجميييع
ذهاب لأعلى
