إنتقال للمحتوى

Change
صورة

كريم اساس مخملي للسهرات


  • من فضلك قم بتسجيل الدخول للرد
4 رد (ردود) على هذا الموضوع

#1
انين

انين

    عضوة نشطة

  • العضوية الدائمة
  • 293 مشاركة


اخواتي

حسبا لخبرتي البسيطه في المكياج حبيت اشرح لكم طريقه وضع كريم اساس السهرات (( الثقيل))

والصراحه انا استخدمه حق الاعراس والعزايم لما يكون فيه اضاءه قويه ومحتاجه ميكياج ثقيل فلازم يكون الاساس ثقيل علشان يبرز جمال المكياج

طبعا راح يكون ثقيل بس فيه نوع من التدرج في الالوان مع مكياج للجسم طبعا الجزء العلوي الصدر والاذرع

الحين نبدا

1-اول شي طبعا تحطين كريم المرطب وتخلينه دقايق لين البشره تتشربه

2- تحطين كريم الاساس السائل ويكون ثقيل نوعا ما وتوزعينه بالاسفنجه او الاصابع توزيع دقيق يعني ماتتركين اي منطقه في الوجه والرقبه ما تحطينه عليها ممكن تستخدمين ماركه كريستيان ديور جيده ويكون اللون معتدل يعني مو فاتح مره


3- تحطين كريم كونسيلر (( مصحح العيوب )) على الهالات السوداء تحت العين وعلى البقع اللي في الوجه ان وجدت
ويفضل ماركه ماك

4- اخيرا تحطين طبقه من البودره المظغوطه وطبعا تبلين الاسفنجه بالماء جيدا وتوزعينها بدقه وبشكل متساوي على البشره
وطبعا لا تنسين الشفايف تغطينهم بطبقه من البودره ويفضل ماركه ماك ايضا

5- بعدين نبدا في التظليل ..... تستخدمين بودره لون غامق ممكن تكون بودره بلاشر بنيه اللون اتحطينها بمحاذات الانف
وبمحاذات عضمه الوجه الخارجيه ويفضل توزعينها بالاصابع

6- تستخدمين الاي شدو الابيض الامع وتحطينه على عظمه الانف بالامتداد الطولي وتحطينها تحت الحاجب

ملاحظه:

بالنسبه للجسم تستخدمين الاساس السائل على الصدر والاذرع كامله وبعدين تحطين البودره المظغوطه وبعدين تنثرين عليها البودره السائبه الامعه تعطي منظر رررهيب للسهرات

هذي اخواتي طريق مجربه لكريم اساس خطير لبشره صافيه ومخمليه

وااذا تبون اي سؤال انا حاضره
ولو تبون اكمل طريقه وضع الاي شدو بعد حاظره بس انتظر ردودكم


#2
Lena

Lena

    عضوية الامتياز - زهرة الواحة

  • العضوية الدائمة
  • 2590 مشاركة
شكرا انين

بس وش افضل كريم اساس ؟؟؟؟؟
بشرتي من النوع الجاف وسمرا؟
وكيف احدد الدرجه المناسبه؟؟؟؟؟؟



همســــــــــــــــــــــــــة



من عمل لآخرته كفاه الله أمر دنياه .. ومن أصلح ما بينه وبين الله أصلح الله ما بينه
وبين الناس .. ومن أخلص سريرته أخلص الله علانيته ..,

#3
انين

انين

    عضوة نشطة

  • العضوية الدائمة
  • 293 مشاركة


مرحبا اختي لينا .....
الصراحه انا جربت انواع كثيره من كريمات الاساس ... لكن افضل نوع جربته بالنسبه للسائل كريستيان ديور
والبودره المضغوطه هي ماركه ( MAC) وهي مناسبه جدا لجميع درجات البشره حتى السمراء الغامقه
وتامن تغطيه جيده للبشره وتدوم لفتره طويله بشرط استخدامها باسفنجه مبلله
وعن اختيارك للون ... افضل انك تختارين لون الكريم السائل بلون بشرتك بالظبط والبودره المظغوطه افتح شوي
ترى مو حلو ايكون البودره فاتحه كثير
طبعا تختارين اللون بتجربته على البشره نفسها مو تجربينه على اليد وبعدين لما ترجعين البيت تلاقينه ما يناسب
واي سؤال انا حاضره wink.gif
شكرا على التواصل

#4
Umm_Haya

Umm_Haya

    عضوة جديدة

  • العضوية الدائمة
  • 37 مشاركة
مرحبا عزيزتي،،،،ممكن توضحين لي اكثر طريقة وضع الشادو الابيض على عظمة الانف؟لاني انا يوم احطه يبين كاني ملونة تلوين واضطر امسحه
كيف اقدر احطه بحيث يبين طبيعي او natural؟
بعدين انا اللي اعرفه انه البودرة المضغوطة اذا هي بودرة بس من غير اساس ما تحتاج انها تتبلل بالماي؟ يعين انا الاسفنجة اللي ابللها بالماي تكون للبودرة المضغوطة مع اساس؟؟؟
يمكن معلوماتي غلط!! افيديناااااااااااااااااااااااااااا
unsure.gif

#5
انين

انين

    عضوة نشطة

  • العضوية الدائمة
  • 293 مشاركة
عزيزتي ام هيا

اذا الشادو الابيض اللي تستخدمينه فيه لمعه يمكن ما يناسبك انتي جربي تحطين شادو ابيض بدون لمعه وبكون بشكل خفيف ووزعيه باصابعك وحاولي تحطين اللون البني الفاتح على جانبي الانف وتدمجينه معاهم بحيث ما يكون هناك حدود فاصله

وبالنسبه للبودره المضغوطه هي اللي انا اقصد بها البودره المضغوطه مع الكريم الاساس .... وطبعا تقدرين تستخدمينها بالطريقتين الناشفه او بالماء

اتمنى تظبط معاك الطريقه
وشكرا على تواصلك
واي سؤال احنا حاضرين