9 رد (ردود) على هذا الموضوع

[om-ismail]

احكمى بنفسك على درجة نضافتك...

جاوبى ع الاسئله دى..

انتى يا ست البيت الوحيده اللى عارفه درجة نضافته

بدليل ممكن الكل يقولك ده فل وانتى ف نفسك تقولى مش اوى

نبدأ بقا... كل واحدة تجاوب ع الاسئله اللى جايه و احسبى درجتك وف الاخر تعرفى مستوى النضافه الحقيقى

وتشجيعا منى ليكى بقولك

كل سؤال تجاوبى عليه غلط حطى لنفسك غرامه ...مثلا جنيه لكل سؤال
او عشرة جنيه
او ميت جنيه
وكل برغوت على اد دمه
وجمعى مجموع الغرامات كلها
وتصدقى بيها
وانوى تدخلى الموضوع تانى وتجاوبى تانى وتالت لحد مييجى يوم وميبقاش عليكى غرامات خالص

وساعتها لما تجاوبى كله صح...عندى ليكى مكافأه كبيييييييره

تصدقى تانى شكرا لله على نعمة النضافه

مش ديننا بيقول ...النظافه من الايمان

يبقا لما نضافتنا تتحسن كاننا حسننا جزء من ايماننا..صح؟

يلا نبدأ الاسئله....

1*بتنامى ومطبخك فله ولا بتاجلى حاجه لتانى يوم؟؟

2*بتغسلى المواعين اول باول ولا بتستنى لما تجمعى كميه تستاهل الوقفه؟

3*لما بتخلصى طبيخ لو اتبقا حاجه لتانى يوم بتفضيها ف اناء اخر او علبه ولا بتحطيها ف التلاجه بحلتها؟

4*بتسيبى اكل مكشوف ولا دايما بتغطيه؟

5*لو اضطريتى تاجلى المواعين بتشيلى منها بواقى الاكل ولا بتسيبيها لحد متيجى تغسلى؟

6*لو حد شرب شاى ومش هتغسلى الكوبايه دلوقتى بتسيبى فيها التفل ولا بتديها شطفه ع الماشى؟

7*بتغسلى البوتاجاز بعد نهاية يومك ف الطبخ ولا كل متحسى انه اتوسخ وكفايه عليه كده؟

8*لما بتخلصى يومك بتمسحى ارضية المطبخ ولا مش شرط كل يوم؟

9*لما بتمسحى المطبخ بتنضفى تحت البوتاجاز وف الاركان ولا الكلام ده ف المواسم بس؟

10*كيس الزباله بينقط كتير ولا بتعملى حسابك وتحطى مثلا كيس ف قلب كيس؟

11*لما بتفضى جردل الزباله بتغسليه ولا مش بيخطر على بالك؟

12*بتغسلى التلاجه اول باول ولا لما تحسى انها هتنطق من قلة النضافه؟

13* لما بتشترى خضار مثلا بتشيليه ف التلاجه بكيسه ولا بتشيليه من كيسه الاول؟

14*بترتبى ضلفة الخزين وتنضفيها اول باول ولا ف الاعياد؟

15* لما بتغرفى الاكل بتساوى حرف الطبق ولا بتسيبيه ملحوس وتقدميه كده؟

16*بتغسلى كل المواعين بسلكه او ليفة واحده ولا مصنفاها حسب الزفاره مثلا والدهون؟

17*شفاط المطبخ بتغسليه لما يغمق جدا ولا اول باول؟

18*فوط المطبخ متلخبطه على بعض ولا مثلا اللى بتنضفى بيها غير اللى بتمسكى بيها غير اللى بتنشفى ايدك فيها؟

19*بتغسلى فوط المطبخ بانتظام ولا كل فين وفين؟

20*لو صاحبتك او جارتك جت فجاه مطبخك يشرف ولا لأولا نص نص؟
ودى كانت اسئلة المطبخ


عندك 20سؤال...كل سؤال ب 5درجات

لو اجابتك كامله ادى نفسك 5من5

ولو معاكس تماما ادى نفسك صفر من خمسه

ولو حاسه انك بين البينين ادى نفسك 2.5 من خمسه

وف الخر هتلاقى مجموع درجتك من 100

وعلى اساسها تتقدمى خطوه لادام وتشوفى اللى محتاج تظبيط

وتفضلى ترجعى للموضوع كل فتره لحد ماتاخدى 100من100

وانا زيكو هحاول احسن درجتى اصلها مش حلوة..

اهم حاجه ايا كانت درجتك تصممى انك تحسنيها

وربنا هيكرمك -.

[سنووايت]

فكرة هايلة يا ام اسماعيل

بس انا انسانة موسوسة قوى بس باذن الله هارد على الاسئلة

[رحايل]

/>

المفروض ست البيت تكون نظافة هي الاساس بالنسبة لها

لما اكون في شقتي في مصر سبحان الله اتحول لست بيت واطبق الاسئلة بذافيرها

مثل ماقالت سنو وايت النظافة مرات تكون هاجس وساواس

حلو الموضوع ويحتاج تفاعل

سلمتي .

[سنووايت]

انا جييييييييييت ......
/>
1*بتنامى ومطبخك فله ولا بتاجلى حاجه لتانى يوم؟؟

- الحمد لله لازم اشطب المطبخ وما اسيبش حتى ملعقة واحدة

2*بتغسلى المواعين اول باول ولا بتستنى لما تجمعى كميه تستاهل الوقفه؟

- اه حتى وانا باطبخ باغسل اللى فى ايدى على طول لما اخلصه

3*لما بتخلصى طبيخ لو اتبقا حاجه لتانى يوم بتفضيها ف اناء اخر او علبه ولا بتحطيها ف التلاجه بحلتها؟

-باحطها فى علب الثلاجة واشيلها على طول

4*بتسيبى اكل مكشوف ولا دايما بتغطيه؟
- لا باغطيه

5*لو اضطريتى تاجلى المواعين بتشيلى منها بواقى الاكل ولا بتسيبيها لحد متيجى تغسلى؟

-لو اتاخر حد فى الاكل مثلا واضطريت لكده بافضى البواقى واسيبها ودى مش بتحصل الا نادرا

6*لو حد شرب شاى ومش هتغسلى الكوبايه دلوقتى بتسيبى فيها التفل ولا بتديها شطفه ع الماشى؟

-لا بصراحة باصفيها وغالبا باشرب شاى فتلة هههههههه />

7*بتغسلى البوتاجاز بعد نهاية يومك ف الطبخ ولا كل متحسى انه اتوسخ وكفايه عليه كده؟
- البوتاجاز ده يوميا باغسله لازم عشان احافظ عليه ويفضل جديد

8*لما بتخلصى يومك بتمسحى ارضية المطبخ ولا مش شرط كل يوم؟
-لازم اغسل غطاء البوتاجاز الزجاج والسيراميك اللى حوله وفى الاخر مسح الارض

9*لما بتمسحى المطبخ بتنضفى تحت البوتاجاز وف الاركان ولا الكلام ده ف المواسم بس؟
لا كل الاماكن اللى حول البوتاجاز وتحت والحمد لله هو له ارجل مرتفعة وباعرف اجيب تحته وكمان باحركه واخد جنب الحيط

10*كيس الزباله بينقط كتير ولا بتعملى حسابك وتحطى مثلا كيس ف قلب كيس؟
- كل يوم باغيره واارمى الزبالة فمش بيعمل ميه وينقط

11*لما بتفضى جردل الزباله بتغسليه ولا مش بيخطر على بالك؟
لا مش باغسله الا لما يتوسخ لانى باحافظ عليه يوميا ولو نزلت عليه نقطه ميه ولا تراب اجري امسحها بكلينكس

12*بتغسلى التلاجه اول باول ولا لما تحسى انها هتنطق من قلة النضافه؟

-باغسل الثلاجة كل فترة بصراحة على حسب درجة اتساخها لانى دايما امسحها بقماشة قطن (فانلة قديمة ) عشان تبقي ناعمة وابلها ماء دافىء واحيانا احط معه فانيلا تبقي ريحتها فظيعة وانا باغسلها دايما احط فى ميه الشطف فانيلا ودى نصيحة من عامل الصيانة قالى حطى صابون قليل جدا واشطفي بالفانيلا

13* لما بتشترى خضار مثلا بتشيليه ف التلاجه بكيسه ولا بتشيليه من كيسه الاول؟
-بصراحة باحطه بالكيس بس بافرز لو فى خضار قديم ذبل باشيله واحط الجديد وكمان عرفت معلومة عشان تقللى الرطوبة والخضار يقعد اكتر تحطى مناديل كلنيكس مع الخضار لو بتحطيهم فى علب وانا حطيتها فى كيس الخضار طول شهر رمضان والخضار قعد كتير والحمد لله


14*بترتبى ضلفة الخزين وتنضفيها اول باول ولا ف الاعياد؟
- اساسا انا باشيل الحاجات ولما اخلص بارجعها فى مكانها ولو حسيت انها محتاجة تنظيف بانظفها لكن وقت المواسم والاعياد باشيلها كله واغسل وارص من جديد


15* لما بتغرفى الاكل بتساوى حرف الطبق ولا بتسيبيه ملحوس وتقدميه كده؟
-لا ما احبش حاجة ملحوسة ويا ريت يعطونى فرصة ارتب وازين الاكل لكن دايما مستعجلين على الاكل/>


16*بتغسلى كل المواعين بسلكه او ليفة واحده ولا مصنفاها حسب الزفاره مثلا والدهون؟
-لا طبعا عندى ليفة وسلك للاكوب وليفة متنوعة صوانى وملاعق وبلاستكات واسفنجة للتيفال


17*شفاط المطبخ بتغسليه لما يغمق جدا ولا اول باول؟


-لا بصراحة ده اكتر حاجة مطلعة روحى لانه مرتفع جدا وانا حتى بالسلم مش باعرف اطوله باستنى احمد كل عيد يحن عليا وياخد له
20 جنيه ينزله ويركبه بس انا اللى باغسل طبعا />


18*فوط المطبخ متلخبطه على بعض ولا مثلا اللى بتنضفى بيها غير اللى بتمسكى بيها غير اللى بتنشفى ايدك فيها؟
- عندى فوط امسك بها الحلل وفوط انشف بها الحلل وفوط انشف بها البوتاجاز بعد غسله وغالبا بانشف ايدى بمناديل هههههه


19*بتغسلى فوط المطبخ بانتظام ولا كل فين وفين؟
-كل ما معظهم يتوسخ اغسلهم


20*لو صاحبتك او جارتك جت فجاه مطبخك يشرف ولا لأولا نص نص؟
ودى كانت اسئلة المطبخ


- لا الحمد لله مطبخ وحمام دايما بانظفهم وارتبهم يوميا

[سنووايت]

على فكرة يا ام اسماعيل للامانة/// انا ممنوعة من فترة طويلة من غسيل المواعين لانى عندى حساسية من كل انواع الصابون فمش باغسل الا حاجات بسيطة وانا باطبخ لانى لازم البس 2 جوانتى واحد قطن والتانى المطاط العادى والاحسن ابعد />

بس انا مش باقدر لازم اشطب اللى فى ايدى لكن باقى الشغل من غسيل الشفاط والسيراميك وباسكت الزبالة ورص الدولاب باعمله بنفسي

وجزاك الله خيرا على الموضوع عجبنى ودخلت عشان ارد عليه />

[om-ismail]

فكرة هايلة يا ام اسماعيل

بس انا انسانة موسوسة قوى بس باذن الله هارد على الاسئلة

اهلاا اهلاا بالقمرر سنووايت

احلى حاجه الوسوسه فى النضافه

صحيح الوسط جميل بس فى التنظيف خليها وسوسه احسن

[om-ismail]

/>

المفروض ست البيت تكون نظافة هي الاساس بالنسبة لها

لما اكون في شقتي في مصر سبحان الله اتحول لست بيت واطبق الاسئلة بذافيرها

مثل ماقالت سنو وايت النظافة مرات تكون هاجس وساواس

حلو الموضوع ويحتاج تفاعل

سلمتي .

ست بيت ممتازه درجه اولى زى ما بنقول

يعنى انت معايا ان الوسوسه فى النظافه محببه و مطلوبه مش كده

[om-ismail]

انا جييييييييييت ......
/>

نورتى و الله فرحت اوى بردك و تفاعلك ربنا يسعدك يارب

1*بتنامى ومطبخك فله ولا بتاجلى حاجه لتانى يوم؟؟

- الحمد لله لازم اشطب المطبخ وما اسيبش حتى ملعقة واحدة

ما شاء الله هو ده شغل ستات البيوت التمام المهم يهدوا شويه على المطبخ مش نص اليل و تلاقى كبايه شاى و طبق اكل

2*بتغسلى المواعين اول باول ولا بتستنى لما تجمعى كميه تستاهل الوقفه؟

- اه حتى وانا باطبخ باغسل اللى فى ايدى على طول لما اخلصه

دى احلى حاجه فعلاا انا كمان بعمل كده ميتحسيش بالمواعين خالص و المطبخ على طول نضيف

3*لما بتخلصى طبيخ لو اتبقا حاجه لتانى يوم بتفضيها ف اناء اخر او علبه ولا بتحطيها ف التلاجه بحلتها؟

-باحطها فى علب الثلاجة واشيلها على طول

صح الصح يا قمرر لان الحلل مش صحيه خالص للاكل يبات فيها

4*بتسيبى اكل مكشوف ولا دايما بتغطيه؟
- لا باغطيه
حتى اللى فى الاطباق بغطيه بالبلاستيك الشفاف

5*لو اضطريتى تاجلى المواعين بتشيلى منها بواقى الاكل ولا بتسيبيها لحد متيجى تغسلى؟

-لو اتاخر حد فى الاكل مثلا واضطريت لكده بافضى البواقى واسيبها ودى مش بتحصل الا نادرا

ربنا يديمها نعمه و يبغعد عنك الوجبات الليله الغامضه هههههههه

6*لو حد شرب شاى ومش هتغسلى الكوبايه دلوقتى بتسيبى فيها التفل ولا بتديها شطفه ع الماشى؟

-لا بصراحة باصفيها وغالبا باشرب شاى فتلة هههههههه />

انا بطلته خالص

7*بتغسلى البوتاجاز بعد نهاية يومك ف الطبخ ولا كل متحسى انه اتوسخ وكفايه عليه كده؟
- البوتاجاز ده يوميا باغسله لازم عشان احافظ عليه ويفضل جديد

يا بخت البوتجاز هههههههه

8*لما بتخلصى يومك بتمسحى ارضية المطبخ ولا مش شرط كل يوم؟
-لازم اغسل غطاء البوتاجاز الزجاج والسيراميك اللى حوله وفى الاخر مسح الارض

تعرفى عمر المطبخ ما يبقى نضيف فعلاا مهما نظفتى لو ما اتمسح

9*لما بتمسحى المطبخ بتنضفى تحت البوتاجاز وف الاركان ولا الكلام ده ف المواسم بس؟
لا كل الاماكن اللى حول البوتاجاز وتحت والحمد لله هو له ارجل مرتفعة وباعرف اجيب تحته وكمان باحركه واخد جنب الحيط
برافو عليك انا لا بستنى المواسم و لا كل يوم يعنى حسب ظروف اليوم و الوقت

10*كيس الزباله بينقط كتير ولا بتعملى حسابك وتحطى مثلا كيس ف قلب كيس؟
- كل يوم باغيره واارمى الزبالة فمش بيعمل ميه وينقط

تمامك كده يا قمرر حتى علشان الريحه و الحشرات

11*لما بتفضى جردل الزباله بتغسليه ولا مش بيخطر على بالك؟
لا مش باغسله الا لما يتوسخ لانى باحافظ عليه يوميا ولو نزلت عليه نقطه ميه ولا تراب اجري امسحها بكلينكس

بغسله بخل و داونى علشان اتاكد ان ريحته تمام

12*بتغسلى التلاجه اول باول ولا لما تحسى انها هتنطق من قلة النضافه؟

-باغسل الثلاجة كل فترة بصراحة على حسب درجة اتساخها لانى دايما امسحها بقماشة قطن (فانلة قديمة ) عشان تبقي ناعمة وابلها ماء دافىء واحيانا احط معه فانيلا تبقي ريحتها فظيعة وانا باغسلها دايما احط فى ميه الشطف فانيلا ودى نصيحة من عامل الصيانة قالى حطى صابون قليل جدا واشطفي بالفانيلا

فكره روووووووعه ربنا يسعدك جارى التطبيق

13* لما بتشترى خضار مثلا بتشيليه ف التلاجه بكيسه ولا بتشيليه من كيسه الاول؟
-بصراحة باحطه بالكيس بس بافرز لو فى خضار قديم ذبل باشيله واحط الجديد وكمان عرفت معلومة عشان تقللى الرطوبة والخضار يقعد اكتر تحطى مناديل كلنيكس مع الخضار لو بتحطيهم فى علب وانا حطيتها فى كيس الخضار طول شهر رمضان والخضار قعد كتير والحمد لله

المناديل دى رائعه فعلاا للخضار مجربهاا و خصوصا مع البقدونس و الشبت


14*بترتبى ضلفة الخزين وتنضفيها اول باول ولا ف الاعياد؟
- اساسا انا باشيل الحاجات ولما اخلص بارجعها فى مكانها ولو حسيت انها محتاجة تنظيف بانظفها لكن وقت المواسم والاعياد باشيلها كله واغسل وارص من جديد
ما شاء الله انا كمان ايدى فيها على طول زى ما بنقول بس الترتيب الترتيب يبقى كل كام شهر

15* لما بتغرفى الاكل بتساوى حرف الطبق ولا بتسيبيه ملحوس وتقدميه كده؟
-لا ما احبش حاجة ملحوسة ويا ريت يعطونى فرصة ارتب وازين الاكل لكن دايما مستعجلين على الاكل/>
لازم طبعاا يبقى نظيف الطبق الملحوس ده بيبين ان ست البيت مش نظيفه
ربنا يخليهم يارب و يسعدكم

16*بتغسلى كل المواعين بسلكه او ليفة واحده ولا مصنفاها حسب الزفاره مثلا والدهون؟
-لا طبعا عندى ليفة وسلك للاكوب وليفة متنوعة صوانى وملاعق وبلاستكات واسفنجة للتيفال
فعلاا الاكواب لازم ليفه لوحدها لكن الباقى كله ماشى الحال .. التيقال عندى طاسات للبيض او الكريب بس

17*شفاط المطبخ بتغسليه لما يغمق جدا ولا اول باول؟


-لا بصراحة ده اكتر حاجة مطلعة روحى لانه مرتفع جدا وانا حتى بالسلم مش باعرف اطوله باستنى احمد كل عيد يحن عليا وياخد له
20 جنيه ينزله ويركبه بس انا اللى باغسل طبعا />

هههههههههههههههههه سكر يارب يحميه يارب القلوس السنه دى هتزيد بقى تبقى 30 اشمعنى هو اللى مش هيرفع سعره

18*فوط المطبخ متلخبطه على بعض ولا مثلا اللى بتنضفى بيها غير اللى بتمسكى بيها غير اللى بتنشفى ايدك فيها؟
- عندى فوط امسك بها الحلل وفوط انشف بها الحلل وفوط انشف بها البوتاجاز بعد غسله وغالبا بانشف ايدى بمناديل هههههه


19*بتغسلى فوط المطبخ بانتظام ولا كل فين وفين؟
-كل ما معظهم يتوسخ اغسلهم


20*لو صاحبتك او جارتك جت فجاه مطبخك يشرف ولا لأولا نص نص؟
ودى كانت اسئلة المطبخ


- لا الحمد لله مطبخ وحمام دايما بانظفهم وارتبهم يوميا

يعنى اجى فجاءه براحتى بقى ههههههههههه

[سنووايت]

انت تنورى فى اى وقت اتفضلى وعلى المطبخ تممى ههههه وشوفى هيعجبك ولا ايه ؟ />

[om-ismail]

يا حبيبه قلبى
ربنا يسعدك و ينور بصيرتك و يرزقك من فضله و من كرمه ما يقر به عينك

بيت كرم و جود و ملىء بخيرات الله دائماا يارب