8 رد (ردود) على هذا الموضوع

[salmaslama]

السلام عليكم ورحمة الله وبركاته
كيف الحال يا بنات
وشو الاخبار والاحوال بخير ان شاء الله

هذا أول موضوع لي فى المنتدى الحبيب
كنت دايما من الزائرات فقط استفيد من المنتدى لحين قمت بعمل عضوية وحبيت افيد الجميع معي
المهم يا بناااات ندخل فى المفييييييد


بصوا بقى انا تابعت مواضيع توفير كثيييييييرة جداااا
وقمت بعمل بحث فى محرك البحث جوجل على مواضيع التوفير فى جميع المواقع وامسكها واحد واحد

سامعه واحده بتقول طيب هى بتعمل كده لييييييييه

تعالى بقى وانا اقولك

انا دى اول سنه ليا انا جواز

وانا وجوزي عايشين في السعودية بقالنا فترة ومش ملاحقين علي المصاريف خالص


لسه يا دوبك مخلصين فلوس الجواز اللى خلص فلوسنا والحمدلله

ومع ذلك لسه انا ماعندى كل الاجهزه الكهربائيه وحاجات نفسى فيها
وهموت وانزل اجازه نتفسح فيها مش نقعد فى البيت
وطبعا عايزه اجيب معايا هدايا وانا نازله لماما واخواتى
وعايزين نجيب عربيه هنا بدل عربيه الشغل عشان هياخدوها مننا
وبنوووووود كتيييييييييير

جوزى قالى عايزه كل ده يبقى حووشى
قمت انا عملاله كده

هنا الشرااااااء مغرى جداااااااااا
وكل خروجه ليناا احاول ابعد عن اماكن الشرااااء مفيش فايده تحسى انهم بيطلعوا من تحت الارض
ده احنا كنا فى البنزينا بيمون عربيه الشغل لقينا بتاع خضار واقف قمت نزلت جبت من عند الراجل ما لز وطاب وجوزى عمال يقولى اه يا جيبى وانا اقوله الف سلامه

هههههههههههههه


المهم لقيت انى كده مش هعرف اعمل اى حاجه من اللى عايزاها
فا قولت ما بدهاش بقى
فضلت احاول اطبق على المواضيع اللى عملت عليها سيرش
و المصروف اقسمه على الاسابيع و منفعش وماكنش بيقضى ومعرفش الفلوس بتروح فين فا بالتالى معرفتش اوفر لان اصلا مش عارفه انا بصرف على ايه
فاقولت خلاص انا هقضى شهر زى ما انا ماشيه عادى وفى الشهر ده هراقب كل حاجه انا جبتها (حلوه هراقب دى هههههههههههه ) وهحصى الحاجات الاول وبعد كده اشوف ايه اللى ممكن استغنى عنه وايه الضرورى
فكنت كل حاجه اجيبها اكتبها فى ورقه
وطبعا عامله ورقه للحوم والفراخ وورقه تانيه للايجارات وورقه للاكل وورقه للخروجات والفسح وهكذا
وفى الاخر لقيت بنود كنت فكراها هى السبب طلعت مش هى السبب فى المصاريف الزيادة وبنود تانيه كنت مستبعداها تماما طلعت هى اللى عماله تقرقض فى جيب الراجل الغلبان

وعرفت بعدها ايه الالتزامات الثابته بتاعت كل شهر ودى مافيهاش توفر طبعا زى الايجارمثلا والكهربا والميه
وحاجات تانيه بقيت احاول اوفر فيها على قد ما اقدر
وعرفت ايه اللى بحتاجه كل شهر فى الاكل وثابت زى الفراخ واللحمه والرز والصلصه
فا بقيت اشتريهم مره واحده اول الشهر وبريح دماغى من الشراء المتقطع بتاع كل اسبوع وفنفس الوقت الكميات الكبيره بيبقى عليها عروض فى الهايبرات وده وفر معايا كمان
ولما حكيت لصاحبتى لانها لسه متجوزه جديد مثلى بردوا ومحتاسه قالتلى على موقع اسمه masarefy
لو عملته عليه سيرش فى جوجل هتلاقوه


عامل جدول جاهز وبدخل فى الحاجات بسرعه جدا و نظملى مصروف البيت جداااا

وكمان اللى ميعرفش يستخدمه هيلاقى طريقه استخدامه موجوده

ولقيته بيطلع رسم بيانى وحاجات حلوه اوووى قعدت العب فيها

هههههههه
والحاجات بتاعت الشهور اللى فاتت متسجله فيه بدل الورق اللى ضاع
وبقيت بقارن الشهور وياااارب اوصل للحل المثالى بقى


وفى حاجه كمان صحيح
انا مش بسجل الفواتير وبس
لا ده اى حاجه بنشتريها واحنا بره حتى لو شوكولاته بريال بكتبها على الموبايل واجى من بره اسجلها على النت علطول
ومقسماهم بنود يعنى مثلا الشكولاته حطاها تحت بند خروجات
و الرصيد عملاله بند لوحده
والمنظفات بتاعت المواعين والغساله والارض عملالهم بند
وهكذا
وبجد والله فرق معايا كتير اوى
احنا فى اول شهر جيت هنا صرفنا فى الخروجات كثيييييييير

ولما اكتشفناهم قعدت عامله كده ههههههههههههههههه

ومن بعدها حرمت طبعا وحطيت ميزانيه معينه للخروجات

وهكذا طبعا فى الاكل والشرب والهدوم وكل بند عملته ميزانيه
وفى الاخر فى بنود اصلا مش بستخدمها فى شهر معين يعنى مش كل شهر فى هدوم فا بلاقى فلوس الهدوم معايا
وهكذا

يا رب اكون نفعتكوا يا بنات فى اول موضوع ليا
ومعلش بقى حاولت اخلى الكلام مصرى على سعودى عشان الكل يستفييييد

شيفااااكى ياللى ماردتيش عليا وزحلانه منك

[ازهـــار]

موضوعك مفيد جدا

والله انا مو ملحقين على المصاريف

وفكرتك جميله يارب الكل يستفيد منها ويدعي لك

[آزال]

وعليكم السلام ورحمة الله وبركاته


حياكِ الله أختاً عزيزة وغالية, نورتِ المكان ,,


بداية جميلة ومفيدة ودمها خفيف رغم ثقل هم المصاريف


أجمل مافي الأمر أنك في سنة أولى زواج


بالنسبة لما بعد عشرين سنة زواج ما خطر في بالي غير فات المعااد


ولنظرة تفاؤلية أعود فأقول داائما هناك فرصة لبداية جديدة


أسأل الله أن يجزيكِ خير الجزاء لرغبتك في منفعة الآخرين كما انتفعتِ.


بارك الله فيكِ وأعانك وحقق أمانيكِ ءامين .


أجمل تحية .

[ام عمرو]

أولا وقبل كل شىء أقول لك حبيبتى

ثم ندخل الموضوع فأقول لك مرة أخرى

حبيبتى أحييك وأنقل لك تجربتى التى مضى عليها حوالى 47 سنة منذ زواجى فأنا لدى نوتة لتسجيل كل ما يصرف

وأجعل مصروف كل أسبوع يوضع فى ظرف مستقل ثم أكتب وأسجل كل شىء وأى شىء

وفقك الله حبيبتى

[لمسه حنان اليمانيه]

بدايتا غاليتي اهلا وسهلا ومرحبا بيكي اختي الحبيبه





ثاني شئ موضوعك يستاهل التقييم ودخلتك على المنتدى اكثر من رائع جزاك الله خير

[salmaslama]

تسلمولى يا رب على ردودكوا والله فرحتونى جدا
ويا رب اكون نفعتكوااا

[فورته]

اهلا ومرحبا بك سلمى سلمى الجميلة

واتمنى لك حياة زوجية سعيدة وبالوفاء والبنين ..

عزيزى الغالية ادهشنى موضوعك جدا لما له من اهمية لمن بادىء حياة زوجية جديدة ويريد ان ينظم حياته ومصروفاته فى حدود امكانياته

وعلى رأى المثل على قد لحافك مد رجللك ...البداية تقول انك ستكونى زوجة رائعة مخلصة ومتعاونة ,,وفقك الله ياأبنتى ..

ويرزقك الله بالبنين والبنات وتكونى جدة كمان مثلى ..ولن ازيد عن كلامك الا انك تسمى الله على كل شىء فتحدث البركة فيه وبس&&

[ام مريم و لوجى]

الله ينور يا قمر و الله فى حاجات كتير ممكن انننا نوفر فيها ربنا يوفقك و تجيبى كل اللى نفسك فيه يا رب

[سنووايت]

وعليكم السلام ورحمة الله وبركاته

ربنا يوفقك اختى سلمى على افكار ومحاولاتك للتدبير والتوفير ونحن جميعا نحتاجها خاصة مع ارتفاع اسعار السلع بصورة رهيبة نسال الله ان يبارك فى ارزاقنا

ونورت المنتدى حبيبتى