إنتقال للمحتوى

Change

صورة

حمام مغربى على طريقة بنت مصرية ناصحة


  • من فضلك قم بتسجيل الدخول للرد
13 رد (ردود) على هذا الموضوع

#1
فورته

فورته

    مشرفة في قسم ربيع العمر وواحة تربية الأطفال

  • نخبة المشرفات
  • 9847 مشاركة
السلام عليكــم ورحمـة الله وبركاتــه ،،

أحبتى الأعزاء هذا الموضوع قرأته وعجبنى لأنه بيطبق المثل اللى بيقول (الشاطرة تغزل برجل حمار,عفوا )

وهو كما هوا...&&& وكمان بالتفصيل المميت .. ياسنووايت ..ههههههههههه

الحمام المغربى
الحمام المغربى يعتبر من اجمل انواع تنضيف الجسم والتخلص من الخلايا الميتة المتراكمة على الجسم واستخدامة باستمرار بيفتح البشرة ويوحد لونها بصورة رهيبة واهل المغرب بيداموا على الحمام دة كل اسبوع ولكن عندنا فى مصر بيتعمل فى مراكز التجميل واغلب اللى بيعملوة العرايس علشان اسعارة بتكون غالية وانا النهاردة هقولكم على طريقة الحمام المغربى باسهل الطرق واسهل المواد المستخدمة وهنستخدم اكتر من بديل للمنتجات المستخدمة اللى بتجيب نفس النتيجة ويمكن احسن كمان وبلاش نجرى وراء اعلانات مراكز التجميل اللى هدفها الربح فقط يعنى لما يقولوا مينفعش تستخدمى غير الصابونة المغربية السودة اللى تمنها فوق 100 جنية يبقى ازاى يعنى اى حاجة تانى متنفعش ... هو دة كلام المراكز التجميلية اللى مش عايزة غير الربح المادى بس المهم هنعمل اكتر من طريقة والله لافرق حتى اسالوا مجرب ونشوف المكونات اللى عايزينها للحمام المغربى
المكونات
ليفة مغربى بتتباع فى الصيدليات على شكل جوانتى ب 21 جنية وفى نوع ب 33 مفيش فرق بينهم وفى فى الدول الخليجية نوع من بودى شوب برضة جوانتى او قفاز برضة نفس النتيجة والناس اللى معندهاش فى طريقة رخيصة ونفس النتيجة وممكن تكون احسن كمان العطار اللى هتشترى منة المكونات قوليلة عايزة قطعة خيش من اللى بيحطوا فية العطارة عارفينة الخيش البنى المهم تجبيها وتخيطيها على شكل مربع مزدوج علشان تدخلى ايديكى جوا
الصابون المغربى السايل بيتباع عند بعض العطارين المشهورين زى حراز هو اسمة صابون مغربى سايل حبايبى ملقتوش مش مشكلة كل مراكز التجميل معندهاش وشوفوا بيستخدموا اية هاتى صابونة لوز او صابونة زيت زيتون او صابونة بابايا او صابونة كركم كلهم عند العطارين وسعرهم مبيعديش 10 جنية وفى ب5 جنية المهم ابشروها فى المبشرة اليدوية عارفينها بتاعة البصل بتاعة زمان المهم بعد البشر هاتى الصابون وحطية فى حلة وعلية نص كوب ماء ورد واتركية طول الليل الصبح حطية على النار شوية وقلبى لغاية الصابون ماتلاقية زى الكريم بالضبط
حنة ورق برضة عند اى عطار واطحنيها لغاية ماتبقى زى البودرة فى مطحنة الخلاط لو ملقتيش مطحون قولى للعطار عايزة نوع حنة سايب يكون صافى متخفيش العطارين لما بيلقوكى فاهمة بيدوكى طلبك من غير غش بس الاول اطلبى الحنة الورق الناشفة موجودة عند العطارين الكبار زى حراز والشمس فى الحسين
عصير اربع لمونات واى حمام كريم لشعرك زيت طبيعى بيو بوينت اى نوع بتستريحيلة بس انا بفضل زيت زيتون وزيت خروع وتدفيهم على النار علشان الشعر يشربهم وكمان بونية محكم للشعر
اى مرطب للجسم انا بفضل كريم جليسوليد الاحمر الاصلى هو جلسريين مجمد العلبة الصغيرة ب6 والكبيرة ب11 جنية واعصر عليها لمونة للصغيرة ولمونتين للكبيرة او جلسريين شفاف وعلية لمونة او بيبى جونسون اويل طبعا انا بقولكم الحاجات اللى فى متناول ايدينا وبتجيب نفس النتيجة واحسن وصدقونى العلب المستوردة اللى فى مراكز التجميل جواها حاجات طبيعية مخلوطة بجزء من الكريم
حجر للقدم بيتباع عند العطارين او فى طبى فى الصيدليات اللى يريحكم يا بنات استخدموة
طريقة الحمام المغربى بالتفصيل
اولا افتحى الدوش فى الحمام على الماء الساخن جدا واقفلى الابواب والشبابيك علشان البخار وادخلى الحمام وانتظرى حتى يملؤة البخار اعملى حمام الزيت او الكريم لشعرك والبسى البونية وخدى بالك متخليش زيت حمام الشعر ينزل على جسمك وانتظرى 10 دقايق فى البخار علشان المسام تفتح واملى البانيو بالماء الساخن وانزلى فية ربع ساعة لو معندكيش بانيو افتحى الدوش ربع ساعة على جسمك وبعدين اطلعى من البانيو وهاتى الصابون اللى عملناة السايل وحطى علية عصير الليمون والحنة البودرة اللى طحناها واخلطيهم كويس وادهنى جسمك كلة كويس بالصابون واقعدى نص ساعة فى الفترة دى اعملى ماسك للوجة اى ماسك كويس بتستريحيلة وبعد النص ساعة ادعكى الصابون من جسمك بايديكى مش بالليفة بحركة دائرية فى اتجاة القلب يعنى لاعلى ادعكى جسمك دائريا لاعلى وبعدين انزلى تحت الدوش الساخن واغسلى الصابون وبعدين بالليفة المغربى ابداى فرك الجسم جزء جزء بحركة دائرية بالضغط على البشرة ولكن بلطف برضة لاعلى فى اتجاة القلب لتنشيط حركة الدم وتدفقة ولزيادة سرعة الاكسجين فى الجسم وبعدين ادخلى تانى تحت الماء الساخن واغسلى جسمك مرة تانى ونشفية كويس وبعدين ادهنى جسمك كلة بالكريم الجليسوليد المضاف الية عصير الليمون او الجلسرين السايل او البيبى اويل وانتظرى ربع ساعة واثناء الانتظار قومى بدعك لقدم والاصابع بالحجر جيدا الجلسريين هيسعدك كويس وبعدين ادخلى تحت الدوش واغسلى شعرك وجسمك وياريت تغسلى شعرك بنوع شامبو خفيف زى بيبى جونسون وسيبى الشامبو ينزل على الجسم من غير استخدام الليفة وبايديكى نزلى الجلسرين الزائد على الجسم وبعدين نشفلى جسمك وشعرك وشوفى النتيجة ولو استمرتى كل 15 يوم على الحمام دة هتشوفى فرق كبييييييييييييييير جدا فى البشرة وتوحيد لون الجسم واختفاء البقع ويابنات نادى واحدة من اخواتك او مامتك تدعكلك ضهرك بالليفة لو مش طايلة وهتشوفى الجلد الميت وهو بينزل معاكى فى الليفة ........ انا بقول ان احنا نعمل كل حاجة فى البيت لان حرام ان احنا نروح مراكز التجميل وواحدة تعملهولنا لان رؤية المراة للمراة حرام واى سؤال انا معاكم ....... وان شاء الله قريب نعمل طريقة الدلكة السودانى وباى



.
--------------------------------------------------------------------------------
منقول طبق الأصل ..
صورة


**************
قال الشافعى
طلبنا ترك الذنوب فوجدناه فى صلاه الضحى
طلبنا ضياء القبور فوجدناه فى قراءه القران
وطلبنا عبور الصراط فوجدناه فى الصوم والصدقه
وطلبنا ظل الرحمن فوجدناه فى اخوة صالحين






صورة


(يامن حفظت موسى في اليم وهو رضيع.. احفظ أولادنا وبناتنا من الغرق في فتن الحياة وملذاتها .. وارزقنا يا الله أولادا صالحين بارين.. أمين..))











صورة





فضل الجهاد كلمة حق عند سلطان جائر

#2
ازهـــار

ازهـــار

    مشرفة في واحة الأكلات الشهية

  • نخبة المشرفات
  • 7654 مشاركة


يا سلام طريقه جميله

شكرا فورته



#3
فورته

فورته

    مشرفة في قسم ربيع العمر وواحة تربية الأطفال

  • نخبة المشرفات
  • 9847 مشاركة
السلام عليكــم ورحمـة الله وبركاتــه ،،

غاليتى ازهار لا شكر على واجب ياأختى


والله البت دمها خفيف وحبت تخدم بنى جنسها وتوفر لهم لكن الظاهر لم يعجب البنات ,,
صورة


**************
قال الشافعى
طلبنا ترك الذنوب فوجدناه فى صلاه الضحى
طلبنا ضياء القبور فوجدناه فى قراءه القران
وطلبنا عبور الصراط فوجدناه فى الصوم والصدقه
وطلبنا ظل الرحمن فوجدناه فى اخوة صالحين






صورة


(يامن حفظت موسى في اليم وهو رضيع.. احفظ أولادنا وبناتنا من الغرق في فتن الحياة وملذاتها .. وارزقنا يا الله أولادا صالحين بارين.. أمين..))











صورة





فضل الجهاد كلمة حق عند سلطان جائر

#4
حسناء وردة

حسناء وردة

    عضوة جديدة

  • جديدة
  • 20 مشاركة
جزاك الله خيرا
وهذه صورة الليفة المغربية للتي لا تعرفها
هذه علشان الظهر

وهذه لباقي الأعضاء

تم التعديل بواسطة حسناء وردة, 12 December 2010 - 11:30 PM.

اللهم صل على محمد وعلى اله وصحبه وسلم

#5
شذى البيلسان

شذى البيلسان

    عضوة نشطة

  • العضوية الماسية
  • 131 مشاركة
مشكوووووووووووووورة يالغالية

جزاك ربي خير الجزاء







#6
** أم حماده **

** أم حماده **

    مشرفة في واحة تربية الأطفال

  • نخبة المشرفات
  • 8558 مشاركة


صحيح الشاطره تغزل برجل حمار


الوصفه سهله جدااا وبمداومه استخدامها اكيد هانلاحظ الفرق

والقطنه ما بتكدبش

تسلمى حبيبتى فورته على الوصفه المنعشه دى


جارى التنفيذ باذن الله









ما أجمل أن يكون الإنسان شمسا ً بين الناس ؛ يلتمسون منه دفئهم ، ويشتاقون له كلما غاب
. ما أجمل أن يكون الشخص زهرة ؛ يسارعون الناس إليه كي تحضنه أياديهم
. وما أجمل أن يكون الشخص كتاب ؛ يتمنى كل قارئ يجلس بجانبه كي يقرأ من كلامه قليلا

#7
كويتية ذوووق

كويتية ذوووق

    عضوة جديدة

  • جديدة
  • 2 مشاركة
يعطيج العافية

#8
دعوه خير

دعوه خير

    مشرفة واحة الأناقة والجمال

  • الإشراف المتخصص
  • 2434 مشاركة
  • Interests:القراءه والرسم والاطلاع من خلال النت
طريقه كتييير سهله

واكيد بتعطى نتائج مبهره

تسلمى غاليتى فورته على الموضوع

لا حرمنا من جديدك

ودى وارق دعواتى








#9
ام عمرو

ام عمرو

    مشرفة ربيع العمر

  • نخبة المشرفات
  • 18272 مشاركة
وعليكــم السـلام ورحمة الله وبركاتـه..

تسلمى فورته

أعانكن الله يا بنات ...

صورة

 

 

 



صورة

 

 




آللَّهُمَّ إِنِّى أَعُۆذُ بِڪَ مِنْ زَۆَآلِ نِعْمَٺِڪَ ۆَٺَحَۆُّلِ عَآفِيَٺِڪَ ۆَفُجَآءَـۃِ نِقْمَٺِڪَ ۆَجَمِيعِ سَخَطِڪ ،،.





 


#10
الأمل المنشود

الأمل المنشود

    عضوة متميزة ومتقدمة

  • العضوية الدائمة
  • 1172 مشاركة
تسلمي ياقلبي على اجمل منقووول
اثابك الله وسلمك




#11
رملة

رملة

    عضوة متميزة ومتقدمة

  • العضوية الدائمة
  • 1948 مشاركة
والله جميل جدا وكل المكونات متوفره كتيييييير

تسلمى حبيبة قلبى على موضوعك الرائع








#12
فورته

فورته

    مشرفة في قسم ربيع العمر وواحة تربية الأطفال

  • نخبة المشرفات
  • 9847 مشاركة
السلام عليكــم ورحمـة الله وبركاتــه ،،


مشكورة أختي علي المرور اللطيف الناعم ...

بصراحة انا كل اسبوعين اطبق الحمام المغربى .. وبصراحة ينعنش قوى ..
صورة


**************
قال الشافعى
طلبنا ترك الذنوب فوجدناه فى صلاه الضحى
طلبنا ضياء القبور فوجدناه فى قراءه القران
وطلبنا عبور الصراط فوجدناه فى الصوم والصدقه
وطلبنا ظل الرحمن فوجدناه فى اخوة صالحين






صورة


(يامن حفظت موسى في اليم وهو رضيع.. احفظ أولادنا وبناتنا من الغرق في فتن الحياة وملذاتها .. وارزقنا يا الله أولادا صالحين بارين.. أمين..))











صورة





فضل الجهاد كلمة حق عند سلطان جائر

#13
وردة الواحة

وردة الواحة

    عضوية الامتياز

  • العضوية الدائمة
  • 2111 مشاركة
لا هى مش ناصحه بس دى ناصحه حبتين تلاته

ههههههههههههه

مشكورة حبيبتى على نقلك الرائع

قلتى انه منقول طبق الاصل


وكمان بالتفصيل المميت .. ياسنووايت ..ههههههههههه


ماكنتش أعرف ان سنووايت مشهورة فى منتديات تانيه

هههههههههههههههههههه



اللهم أرحم رحاب وأسكنها فسيح جناتك......اللهم أحعلها من الحور العين يا أرحم الراحمين[font=Arial]

#14
Sara T AlOtaibi

Sara T AlOtaibi

    عضوة جديدة

  • جديدة
  • 21 مشاركة
 
13316280223.gif