46 رد (ردود) على هذا الموضوع

[فورته]

السلام عليكم ورحمة الله وبركاته،،

لا لا لا ياأم عمرو ياحبيبتى انت عارفة أن مدير الحركة متعين جديد وواخد باله شويه من السكة والسواقين ,, أنا حاجزة لك

مكان مريح تنامى فيه براحتك وسيبك من حكاية السواقة دى خالص .. الجماعة جايين للفسحة والترفيهه .. فاهمانى طبعا !!!

اما حكاية الصور .. عندما يتحرك القطار سأقول لك ياحضرة المرشد .. حلوة عليك المرشد كفاية . صاحب بالين .....

الحمد لله العدد زاد وأخواتنا كلهن مشرفات ومنورات الرحلة .. لكن امامنا اليوم حتى قيام القطر ..

وأهلا وسهلا لكل من تشارك معنا ...

ونور الهدى وأزهار عليهما وجبات السناك .. والمشروبات على الأخت لبنى

اما التسالى والمعلومات طبعا الأخت أم اسماعيل .....

وفى القطر ستكون هناك مفاجأت .....

الى اللقاء فى ساحة المحطة ....




أم عمرو حضرى كشف بالمشتركين للتعارف وكمان لكى لا يتوه حد منا ..

[ام عمرو]

وعليكــم السـلام ورحمة الله وبركاتـه..

تمام يا فندم سأبدأ العد وكتابة الأسماء ثم أنتظر جديد التعليمات ....

[ام عمرو]

بســم الله الـرحمــن الرحيــم

نبدأ على بركة الله حصر أسماء المشاركات معنا :

مسالمة ...أم سمعة ....أزهار ...نور الهدى ....لبنى بنت مصر ...سمراء القناة ....ليلى 1979 ...آزال ....فروتتنا ...ام عمرو .

فى انتظار باقى الأخوات لعل وعسى هناك مشاكل مرورية أو خفن من أن أقود أنا القطار ؟؟؟؟؟؟

[ازهـــار]

السلام عليكم ورحمة الله وبركاته،،

فورته

انا جاهزه ان شاء الله

ام عمرو ماشاء الله وصف جميل والصور اجمل

وبعدين حبيبتي انتي ارتاحي وخذي احلا مكان في القطار وخلى السواقه

لو اعرف اسوق كان طلبت اني اقود القطار

يلا نستنا بتداء الرحله

[ام عمرو]

السلام عليكــم ورحمـة الله وبركاتــه ،،

كنت قد جمعت الأسماء وأرسلتها وفوجئت أنها طارت والآن ها هى أسماء المشاركات معنا بإذن الله :

بســم الله الـرحمــن الرحيــم

مسالمة ...أم سمعة ....أزهار ....نور الهدى ....لبنى بنت مصر ...سمراء القناة ...ليلى 1979 .....آزال ....فروته وأم عمرو ..

أين بقية البنات ؟؟؟؟؟

واضح أنهن شعرن بالخوف لأننى سأقود القطار ....

[فورته]

بسم الله الرحمن الرحيم

ممتاز يا أم عمرو .. صحبة جميلة لكن نريد نعمل شارة للكل يضعها على صدره لكى نتعارف على بعض فى اى مكان

وبالبحث وجدت تصميم جميل ينفع بطاقة فى موضوع للأخت مسلمة عن اخت نور الأمل ..

ارجو من المشتركات وضعها لكى تتوه منا ..وشكرا ..



واحب اذكركم ان ميعاد تحرك القطار الساعة 8/15 من على الرصيف والتجمع يجب ان يكون الساعة السابعة وشكرا ..

[فورته]

مارأيك ام عمرو فى هذه نعملها شارة ..




مافيش وقت نقول للأخت مسلمة تعمل لنا شارة مناسبة

[نور الهدى]

ياسلام على النشاط والهمه

وانا جاهزه وكله تمام بس خايفه اضيع لأني اول مره اروح مصر واشوف المعابد والآثار

صراحه كان نفسي من زمان ازور مصر واتمتع بما فيها من جمال بس الظروف ماسمحت

والآن هتتحقق الأمنيه ولو بالتخيل

[فورته]

اهلا يانور ..أيوا ولو بالتخيل .. ماتخافى من التوهان مصر امان .. ايه رأيك فى الشارات اللى انزلتها ..

[كريمة]

وعليكــم السـلام ورحمة الله وبركاتـه..


ناخذ القطار لما لا لعله غير لنا جو

انا معك اينما اتجهت يا غالية

[فورته]

بسم الله الرحمن الرحيم

يهلا ومرحبا كريمة اشرقت بنورها هنا .. انت هنا على طول ياكرم .وفى القلب مربعة وفى البال سابحة ..وجوهرة اينما كنتى ..

رحلة سعيدة ان شاء الله ..والله نفسى كل البنات يشتركوا .. تغيير من الملل والحياة الروتينية ..

[ازهـــار]

السلام عليكم ورحمة الله وبركاته،،

مرحبا فورته

حلوه الشاره الي فيها الفراشات

يارب الكل يقدر يحضر

[فورته]

مرحبا ازهار .. شكرا لأستشارتك وانا فعلا نزلتها ارجو وضعها فى توقيعك .. قصدى على صدرك على حرف العباية او الجاكت ..

امامنا لحد الساعة الخامسة ..وونقفل الحجز ..

[سمراء اللقناة]

عاوزة انزلكم صورى وانا فى الاقصر بس
مش عارفة بيطلع خطا فى المرفقات

صورت محطة قطار الاقصر
وبعض المزارات الحلوة

[لبنى بنت مصر]

من عينيا الاتنين حبيبتي فورتة

غالي و الطلب رخيص

يالا يا جماعة اتفضلوا المشروبات

شوية عصاير في الحر تستاهل بقكم

ألف هنا و شفا

على فكرة انا حطيت شارة السفر اهي يا فورتة عشان ما اتوهش منكم في السكة و لو اني مش هاسيب ايدكم ابدا

تقولي ايه ؟؟؟ لزقة

[فورته]

بسم الله الرحمن الرحيم

مرحبا يالبنى منورة الرحلة وحاسة انها ستكون فرفش خالص وهاننبسط ان شاء الله ...

لكن انت نزلت العصير بدرى الكلام دا فى القطر لما ننركب ونتسلى بالمشروبات .. هناك الرحلة ستبدأ من محطة مصر

يابنات على محطة مصر فى الرابط التالى .. القطار بعد ساعتين ..التى توصل تسجل حضور هناك ..المشرف سيكون منتظر ..

http://forum.wahati....showtopic=97491

[فورته]

بسم الله الرحمن الرحيم

عزيزتى سمراء انتظرى شوية لما نصل الأقصر ان شاء الله نطلب منك الصور ..المهم الحقى روحى محطة مصر ...


http://forum.wahati....showtopic=97491

[فورته]

بسم الله الرحمن الرحيم

مراجعة سريعة على المتواجدات ...


أم عمرو مرشد الرحلة

مسالمة .

أم اسماعيل

أزهار

نور الهدى

لبنى بنت مصر

سمراء اللقناة

ليلى 1972

آزال


كريمة ..

ارجو الجميع يذهب الى محطة مصر

http://forum.wahati....showtopic=97491

[laila1972]

سلام عليكم يارب مايكنش القطر مشي معلش اتاخرت شوية يدوب مخلصت

الحاجات في البيتعشاناسافر وانا مطمئنة

[لبنى بنت مصر]

و ماله يا فورتة ؟

نشرب العصير هنا و نخلصه و اجيب غيره عشان خاطر عيونك

هاجري اهو على المحطة

[فورته]

ياسلاااااااااام كانت رحلة جميلة وفيها اخوات حبيبات وحشونا فى غيابهن لعلهن بخير
ووحشتينى ام عمرو ..ان شاء الله ترجعى بالسلامة ونكمل الرحلة ..انا مش عارفة اين الصور..
اجمل وقت لزيارة الأقصر واسوان هذه الأيام المليحة ..الجو مناسب جدا ..
ان شاء الله نجدد الدعوة الى الرحلة ودمتم بخير اخواتى الأحباء &&

[بـروق]

رهيبين الرحلة مرة حلوة تمنيت كنت معكم ولكن ملحوقة في الرحلة القادمة احجزولي معكم رحلة طيبه وصحبه أطيب وين القاها فورته الغاليه

لاتنسيني في الرحلة القادمة أنا معكم من ذي لحين أحجز نفسي اركب قطار دمتي بخير