تسلم الايادى مسلمه على الكنافه الجنان دى
بس انا عندى مشكله كبيره مع الكنافه
انا بقى باقطعها صغير جدا وبحط السمن وكله تمام لكنها بتطلع من فوق منكوشه وسايبه من بعضها ومن تحت مظبوطه ومتماسكه ومش عارفه ايه السبب مع انى باضغط عليها جامد وبتبقى مرتبه وحلوه
معلش طولت عليكى بس بقى شكلى وحش اوى ادام العيال
تسلمي يارب حبيبتي ...
بصي يا قمر ... طالما أنك بتقطعيها صغير جدااااا و بتفضل منكوشة ..
يبقى السمنة قليلة ...
اللي ينكش الكنافة حاجتين ... لما تكون طويلة , و لما تكون السمنة قليلة ..
لو أتأكدت أن التقطيع تمام , و السمن كفاية .. الضغط بيكون سهل , و بتتضغط على طول و من غير أي مجهود ..
كمان بعد ما تسويها اقلبيها , و خلي الوجه السفلي هو اللي فوق قبل الشربات (الشيرة)
و طبعا هو اللي هيكون فوق عند التقديم .. بيكون شكل السطح متساوي و ماسك نفسه ..
جربي أنت بس , و زودي السمن و قولي لي ايه الأخبار ...