اهلا بكم يا اجمل عرايس
.......................
طبعا كل عروسة بتفرش النيش بتاعها بتبقى محتارة تفرشه ازاي؟ازاي مايبقاش تقليدي؟
...........................
انا هديلكم شوية نصايح يارب تفيدكم
......................
انا تحت أمر اى حد فى اى استفساااااار
فى الاول انا عايزة اقولكم تعريف النيش لان اكيد في كتير من الاخوات مايعرفوش يعني ايه نيش...؟؟؟؟
لان الاسماء بتختلف من بلد لبلد واحيانا نطلق عليه فى مصر دولاب الفضية
النيش ده عبارة عن دولاب ب2 ضلفه او 4 ضلفه حسب حجمه بيبقى الوجه بتاعه زجاج والجوانب زجاج والظهر خشب
لكن فيه مرايه عشان يعكس الضوء
وده بيترص فيه طقم الصيني واطقم الشاي والقهوة والكاسات ....وهكذا
وهذه صورته
نبدأ بقى طريقه فرشه بسم الله
اولا طبعا لازم تفرشي بالمفارش اللي تبع مفرش السفرة
بيكون في مفارش مربعة صغيرة بتحطيه ويكون نازل منه جزء على شكل مثلث وطبعا بيكون المثلث ده مطرز
بتفرشيه في المقدمة وفي الجوانب كمان عشان تدي شكل جميل
ثانيا ترتيب الاطقم
حاولي وانت بتشتري الاطقم متجبيش الوان كتير
يعني بلاش يبقى النيش عبارة عن كرنفال الوان عشان ميزغللش العين وكمان هتلاقي صعوبه في تنسيقه خصوصا لو المفرش لونه مش لايق مع الطقم يعني حاولي يبقى الاطقم على قد ماتقدري لون واحد او لونين بالكتير يعني لو ذهبي يبقى الكاسات فيها خطوط او رسومات دهبي وممكن يكون طقم الشاي على لون عسلي يعني حاولي يبقى الالوان متناسقه مع بعض وطبعا المفارش تكون ذهبي فاتح او بيج
ولو عايزة تكون حاجتك على فضي يبقى دي سهله بالنسبالك ممكن تحطي لون تاني زي الاحمر او الاخضر او الازرق وده هيعطيك انعكاس جميل جدا زي النيش ده عبارة عن لونين فضي وابيض مع احمر
طريقة الترتيب
طبعا الكاسات واطقم الشربات بيبقوا لوحدهم وترصيهم بشكل جميل لكن بلاش تبالغي وتكتري في الحاجه عشان جمال الاطقم هتروح
وطبعا طقم الشاي يترص كله وبيكون البراد في النص وحواليه الفناجين وبيكون وراه سيرفيس مدور او بيضاوي زي ماتحبي ويكون واقف وراه يعني ساند على خلفيه النيش وممكن كمان تحطي حواليهم فناجين القهوة اللي تبع طقم الصيني طبعا عشان يبقو شكل واحد
واطقم الخشاف بيكون الطبق الكبير في النص وبيتحط جواه الاطباق الصغيرة بشكل مرتب وجميل
وطبعا بيكون عندك طقم صواني للتقديم بتكون غير اللي بتستخدميها في المطبخ ودي بتحطيها في الخلف زي السيرفيس كده اللي اتكلمت عنه من شويه
اما بالنسبه لشنطه الملاعق فلك حريه الاختيار
ياإما بتفتحيها وتحطيها زي ماهي
ياإما وده الافضل انك تشيلي الملاعق منها وتضعيها في ادراج البوفيه طبعا الملاعق بتبقى محطوطه في حاجه كده جوة الشنطه وبتكون لكل واحده مكان مخصص فانتي بتشيليها بيها عشان شكل الملاعق ما يبوظ
بالنسبه بقى لباقي طقم الصيني فدول بيترصوا في البوفيه ولو ماعندكيش بوفيه فبترصيهم في النيش من تحت خالص بيكون في مكان متداري طبعا لان ماينفعش ان الاطباق تظهر في النيش
ولو عندك اي اطقم زياده من الكاسات او الشربات او قهوة والنيش امتلأ خلاص فممكن ترصيه داخل البوفيه زي مانتي عايزة وممكن تحطي شويه اكسسوارات حوالين الاطقم لكن بلاش تكتري عشان مفيش احلي من البساطه
مثال للكاسات
وده مثال للاكسسوار
وكده نبقى خلصنا كلام عن طريقه ترتيب النيش
يارب اكون أفدتكم وماحدش يقول عليا رغاية هههههههههههه
منقول والشكر للاخت شيمو